30 de xaneiro - Día da Paz 2013 - Concerto no recreo
Un ano máis, dende o IES PERDOURO, recordamos o día no que Gandhi foi asesinado a través de numerosas actividades nas que colaboraron diversos departamentos, entre os que cabería destacar o de Música, Inglés e Tecnoloxía. Nesta ocasión destacamos o Concerto pola Paz que tivo lugar no recreo o 30 de xaneiro.
Un ano máis, dende o IES PERDOURO, recordamos o día no que Gandhi foi asesinado a través de numerosas actividades nas que colaboraron diversos departamentos, entre os que cabería destacar o de Música, Inglés e Tecnoloxía. Nesta ocasión destacamos o Concerto pola Paz que tivo lugar no recreo o 30 de xaneiro.
Un grupo de alumnos e alumnas de 4º ESO e 3º ESO trataron de facer honra á frase de Chavela Vargas: “Hay que llenar el planeta de violines y guitarras en lugar de tanta metralla”.
Os nosos alumnos deleitáronnos cun repertorio variado no que destaca o tema IMAGINE, de Jonh Lennon.
O Día Escolar da Non-violencia e da Paz foi declarado por primeira vez en 1964. Xurde dunha iniciativa pioneira, non gobernamental, independente, e voluntaria de Educación Non-violenta e Pacificadora do profesor Llorenç Vidal. O obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os colexios e centros convírtense en instrumentos de paz e entendimento entre persoas de distinta formación, raza, cultura e relixión.
O día 30 de xaneiro conmemórase ademais a morte do líder nacional e espiritual da India, o Mahatma Gandhi, o 30 de xaneiro de 1948, asesinado a tiros por un fanático hinduista.
Sem comentários:
Enviar um comentário