Recoñecemento aos mellores expedientes

O instituto felicítavos polo éxito acadado co premio de excelencia da Universidade de Santiago de Compostela.

Tres alumnas do IES Perdouro recibiron o pasado martes, día 30 de xuño, un recoñecemento aos mellores estudantes de centros de ensino medio de Galicia por parte da Universidade de Santiago de Compostela nun acto que que se celebrou no Auditorio de Galicia en Santiago por ter superado a calificación de 9 na parte xeral das Probas de Acceso á Universiade. 

O programa “A Ponte entre o Ensino Medio e a USC” organizou este acto para premiar aqueles alumnos de 2º de Bacharelato que acadaron a puntuación de nove ou superior como resultado da media ponderada do 60% da nota media do bacharelato e o 40% da cualificación da fase xeral das Probas de Acceso á Universidade (PAAU) no presente ano.

3 ALUMNAS DE 2º DE BACHARELATO RECOÑECIDAS MELLORES EXPEDIENTES:

• Cristina Cigarrán Díaz
• Estela Fernández Cabana
• Andrea Rega Villarejo

Foron máis de 500 estudantes os que acadaron unha nota igual ou superior a 9 na PAU este ano.

Parabéns Cris, Estela e Andrea !!!