FP Innova

Participamos na sexta edición do congreso de innovación da formación profesional, FP Innova en Santiago.

Presentamos 3 ideas de negocios, dous proxectos de miniempresas presentadas nas «Lanzadeiras Lugo» e outro en colabaoración co CIFP Ferrolterra.

EmoXogos Perdouro é unha iniciativa centrada na promoción e comercialización de xogos centrados en fomentar a aprendizaxe e a xestión emocional a través do entretemento. Entre eles están o Xogo da Zoca, para dar a coñecer mulleres galegas que destacaron nalgún ámbito; o construbot, creado desde o departamento de Tecnoloxía para empregar xogos de mesa con robots, ou un bingo en francés, para aprender vocabulario. As promotoras son as alumnas do Ciclo Superior de Administración e Finanzas, Ariadna Aylén Escobedo e Melany Aixa e a súa profesora Yolanda Fernández é a coordinadora.

Badiahs Gallegas é unha empresa que se dedica a facer africanas. As promotoras son Ángela Ares, Noely Cardoso dos Reis, Marcia Monteiro, Antía Montenegro e Elian Sanches e a súa profesora,  Patricia Anaya, coordina o proxecto que busca contribuír a darlle valor á diversidade cultural e á integración das diferentes manifestacións culturais da zona.

Ecogrel é un sistema de automatización do lavado de grelos. O Ciclo Medio de Mecanizado do IES Perdouro colaborou co CIFP Ferrolterra no desenvolvemento dun prototipo automatizado para lavado, procesamento e desinfección de grelos mediante inmersión, secado e posterior exposición a raios ultravioleta.