Traballos realizados para o proxecto de innovación: útiles para a mellora de actividades cotiás de persoas con NNEE

Estes son algúns dos traballos realizados polo noso alumnado do Ciclo de Especialización en Fabricación aditiva. Trátase de útiles para que as persoas con necesidades especiais poidan mellorar a realización de actividades cotiás. 

Grazas á Fundación Pere Mitjans de Barcelona, á Fundación Síndrome de Down e á ONCE, puidéronse identificar as súas necesidades e a partir de aí, deseñar e fabricar os útiles. 

Son moitos os obxectivos que se conseguiron con este proxecto: a transferencia de coñecementos entre empresa e centros de formación, o desenvolvemento de competencias profesionais vencelladas á dixitalización, o deseño e testeo de retos e o desenvolvemento dun ecosistema de innovación estable que permitiu levar a cabo un gran labor social. 

Parabéns para o alumnado e profesorado do noso CE en Fabricación aditiva!

Podedes acceder a máis imaxes AQUÍ. 

Festival de Entroido 2026

Aquí tedes as fotos do festival de Entroido que celebramos o venres 13 de febreiro. 

A organización do festival foi un gran traballo de equipo, xa que este ano, debido á chuvia, tivemos que ir ao pavillón. Cada grupo puxo da súa parte: o Ciclo Básico de Fabricación e Montaxe, o CM de Instalacións de Telecomunicacións e o de Mecanizado, o CE en Fabricación Aditiva... Todos axudaron na montaxe, na xestión do son, na elaboración dos trofeos etc. 

Grazas aos titores polo traballo cos seus grupos e ao todo o profesorado que colaborou para que o festival sairá adiante, grazas ao noso flamante xurado: Javier Rouco, Belen García e Ana Patricia Anaya, grazas a Neves por facer de cámara para que poidamos desfrutar destes vídeos e a Daniel Irimia, que tomou fotografías. 

Parabéns a todos os grupos pola vosa dedicación! Conseguistes que o festival de Entroido fora un éxito!

Grazas polo voso humor e creatividade!

Podedes ver as imaxes AQUÍ e estes foron os grupos e participantes individuais que conseguiron premio: 

Vídeos Entroido 2026

 O venres 13 de febreiro celebramos o Entroido. 

Aquí tedes os vídeos das entretidas actuacións que preparastes. 

Parabéns a todos os grupos pola vosa dedicación! Conseguistes que o festival de Entroido fora un éxito!

Grazas polo voso humor e creatividade!

E grazas tamén a Neves por facer de cámara para que todos poidamos desfrutar destes vídeos.

Día dos afectos igualitarios

AVISO ESPECIAL: Ábrese o servizo postal para enviar cartas de agarimo a quen queiras, compañeirxs, noivxs, profesores, persoal non docente. 

O servizo de mensaxería estará operativo ata o venres 13 de febreiro, 11h.

Adícalle á persoa que aprecias uns dos teus mellores versos. Deixa a túa carta na caixa instalada no hall de entrada. Non esquezas indicar o nome completo do/a destinatario/a e o seu curso e envíao nun sobre aberto.

Poderanse dirixir as cartas a calquera membro da comunidade educativa, sempre e cando estean escritas dende o respecto.

Tes ata o día 13 para mandar versos afectuosos a quen queiras.

 

Entrega de premios Torneos San Xoán Bosco 2026

Xa coñecemos os campións e subcampións dos Torneos San Xoán Bosco!

Durante os recreos, a biblioteca e o pavillón convertéronse en espazos de competición, convivencia e xogo grazas á implicación do equipo de biblioteca e á supervisión de Rodrigo Pinto Casas. Estes son os resultados:

♟ Damas

• 🥇 Campión: Eder Casas Rodríguez – 4º ESO A
• 🥈 Subcampioa: Yasmine Oubella – 1º ESO A

♞ Xadrez

• 🥇 Campión: David Baltar Pernas – 2º Bacharelato A
• 🥈 Subcampión: Subaru Kato García – 2º FPB FM

🧩 Crebacabezas

• 🥇 Campións: Sofía Ben Martínez e Eder Casas Rodríguez – 4º ESO A
• 🥈 Subcampións: Breogán Fernández Bouza e Víctor López Pérez – 4º ESO B/A

⚽ Fútbol

• 🥇 Campión: 2º ESO B
• 🥈 Subcampión: 4º ESO A

🏀 Baloncesto

• 🥇 Campión: 4º ESO B
• 🥈 Subcampión: 3º ESO B

👏 Moitos parabéns aos gañadores e gañadoras, e tamén a todas as persoas participantes por facer do deporte e do xogo unha parte esencial dos nosos recreos activos.

🏆 Queremos destacar tamén o excelente traballo do Departamento de Fabricación Aditiva, responsable do deseño e impresión dos magníficos trofeos.

📸 Podes acceder ao álbum de fotos AQUÍ.

Finais do Torneo San Xoán Bosco de fútbol sala e baloncesto.

O luns 9 de febreiro terán lugar pola tarde as finais do Torneo San Xoán Bosco de fútbol sala e baloncesto.

 Celebraranse no pavillón de 16:00h a 17:40h. 

Competirán 2º ESO B e 4º ESO A en fútbol sala e 3º ESO B e 4º ESO B en baloncesto. 

Poderán asistir ao partido o luns pola tarde estes grupos ao completo. 

Que gañen os mellores! 🏆