Baile de Nadal

O alumnado de 3ºCD e 4º ESO de Música fixo dúas coreografías para bailar este Nadal. A bailar!!

 

Felices Festas!

 

Damos os parabéns ao noso alumno de 1º ESO , Gabriel Díaz Pernas, polo deseño da tarxeta do centro, á vez que queremos homenaxear á poetisa Luz Pozo Garza que nos deixou este ano.

V Torneo de xadrez

Vai refrescando as normas!!   O Departamento de Educación Física propón un campionato de xadrez para despois do Nadal.      Se estás interesadx (alumnxs e profes) en participar, contacta cos profes de Educación Física, Iván ou Jose…   Tes ata o 22 de decembro para inscribirte.   Para ir ensaiando contra o ordenador:   Chess.com Xadrez para principiantes País de los juegos: ajedrez kidopo (flash) wwwhatsnew: juego online de ajedrez para ninos Aplicacións móbil-tablet

Premio á solidariedade e Dereitos humanos para Na casa de papel do IES Perdouro - ApS Aprendizaxe e servizo Cáceres 2020

Toda a información dos proxectos ApS premiados están recollidos na seguinte páxina: Encontro ApS 2020

Esta mañá tivo lugar o acto do XIII Encontro Estatal Aprendizaxe-Servizo Cáceres 2020. 

Estivemos presentes na entrega dos premios a través dun pequeno video presentación do proxecto Na casa de papel feito por Hugo, Claudia,  Nadine e Manuel Lozano  (a partir do min 25')  AQUÍ

O noso alumnado premiado asistíu ao acto de entrega dos premios seguido dunha webinar onde Carla e Cristián foron os nosos portavoces para explicar os beneficios do proxecto: a Aprendizaxe-Servizo para o desenvolvemento sostenible (ODS), porque nos axuda a orientar a excelencia e a creatividade ata a transformación social e para transformar a sensibilización en compromiso.

Accede ao albúm de fotos aquí. 

Obradoiro de cociña molecular - Galiciencia 2020

Esta mañá, achegámonos á cociña molecular da man de Galiciencia 2020. 

 

O alumnado de 4º ESO B asistíu ao obradoiro emitido en directo e descubriron a relación entre a química e o traballo de laboratorio. Coa axuda de Alba, a súa profesora de bioloxía, fixeron esferificacións.  

 

Accede ao albúm de fotos aquí.

 

Charla de ciberseguranza

O día 26 de novembro, Óscar e Antonio déronnos unha charla sobre ciberseguranza. Durante a charla explicáronnos as diferenzas entre hacker e cyber delincuente e a importancia de manter segura a nosa identidade dixital.

Explicáronnos que era un ataque de forza bruta e, mediante unha histoira, o importante que é manter a nosa identidade dixital segura. Tamén nos ensinaron como podemos crear contrasinais máis seguras e como mantelas en segredo. Mostráronnos o que era o ciber bullying e como mantelo a raia e o máis importante: se vos chega a pasar algo por internet, podedes chamar ao 017.

Iria Jacomé Martínez - 1º ESO C

Accede ao albúm de fotos aquí.

Na casa de papel na prensa

 

La voz de la escuela, 02/12/2020

Campaña de recollida Nadal 2020

O IES Perdouro asina un convenio de colaboración co Banco de Alimentos da provincia de Lugo, e con Cáritas para poñer en marcha neste Nadal (do 1 ao 22 de decembro) unha campaña de recollida de alimentos non perecedoiros e roupa, que se repartirán ao finalizar nas sedes destas entidades en Burela. 

Os paquetes tanto de alimentos como de roupa deberán depositarse na conserxería do centro en bolsas cerradas. Admítense produtos de hixiene.

Ortografía

REPASO B/V

Esta información podedes atopala no blog Entrenamentes:

Premede nos enlaces e enviaránvos a páxinas onde poderedes mellorar a vosa ortografía.

- XOGOS ORTOGRAFÍA VARIADA:

 
http://centros.edu.xunta.es/ceipdefrions/xogos/ortogal/ie/index.html

• - ORTOGRAFÍA B/V: http://www.xente.mundo-r.com/tintarras/exercicios/ortografia/bv/besuves1.htm
• -BU/BUR/BUS - B/V: https://www.edu.xunta.es/espazoAbalar/sites/espazoAbalar/files/datos/1326964779/contido/ortografia/ortografia/exercicios4.html
• - B/V - H : http://www.linguagalega.org/lingua/ortografia/ortografia.html
• http://www.ogalego.eu/exercicios_de_lingua/exercicios/test/b-v-h.htm
• - X/S : http://centros.edu.xunta.es/ceipdefrions/xogos/ortogal/ie/s_x_1.html
• - C/CC : http://centros.edu.xunta.es/ceipdefrions/xogos/ortogal/ie/c_cc_1.html
• - N/Ñ: http://centros.edu.xunta.es/ceipdefrions/xogos/ortogal/ie/n_nn_1.html
• -CON N/ SEN N: http://centros.edu.xunta.es/ceipdefrions/xogos/ortogal/ie/n_0.html
• - XOGAMOS COAS PALABRAS - Brincaletras 1 : (Hai un par de palabras que non coñeceredes, pero está moi ben) https://www.edu.xunta.es/espazoAbalar/sites/espazoAbalar/files/datos/1359573709/contido/galego/galego.html
• - XOGAMOS COAS PALABRAS - Brincaletras 2 : https://www.edu.xunta.es/espazoAbalar/sites/espazoAbalar/files/datos/1359573867/contido/galego2/galego.html

Pois nada, só queda practicar!

Cartas para a eliminación da violencia contra as mulleres - 25N

 Cartas ao futuro do alumnado do 1º ESO A

Perdouro, Respecto e Igualdade

A discriminación das mulleres e a violencia de xénero, lonxe de seren un fenómeno novo, son un problema arraigado nas distintas sociedades desde hai moito tempo. Porén, o recoñecemento da discriminación sexista e da violencia de xénero como problema social así como a súa visibilización si que son recentes. Ata non hai moito, considerábanse unha cuestión circunscrita ao ámbito privado, sendo un tema silenciado e normalizado pola sociedade como parte das relacións entre homes e mulleres. 

 

Desde o IES Perdouro cremos que resulta necesario impulsar accións dentro do ámbito educativo que permitan facer visible a violencia machista, de forma que os alumnos e alumnas se volvan conscientes da súa extrema gravidade e aprendan a construír formas de relación positivas, a través das cales mulleres e homes participen de igualdade de condicións en todos os ámbitos da vida. É por esta razón que no presente curso académico 2020/2021 decidimos participar no programa “Por 365 días de respecto e igualdade” do Plan Proxecta cun proxecto titulado “Contra a violencia de xénero, igualdade”. Para difundir as nosas accións, abrimos o Blog https://perdourorespectoeigualdade.blogspot.com/, onde poderedes ver todos os traballos feitos polos alumnos e alumnas. Esperamos que vos guste!

 

 

Obradoiro de igualdade - O sexismo no día a día. Cousa do pasado?

 

Videoconferencia de Sonia Villapol Salgado - Mes da ciencia en galego

Videoconferencia "Só a ciencia nos rescatará da pandemia" por Sonia Villapol Salgado.

16/11/2020 ás 12h45 para o alumnado de 4º ESO e 1º Bach.

Programa videoconferencia.

12.45-13.00: Inauguración coa intervención de:

. Valentín García Gómez, secretario xeral de Política Lingüística,

. Manuel Díaz Regueiro, presidente de Igaciencia, 

. Inés Ben González, secretaria de Igaciencia

 

13.00 - 13.45: Conferencia de Sonia Villapol Salgado, neurocientífica e profesora no departamento de Neurocirurxía do Centro de Neurorexeneración do Instituto de Investigación Metodista en Houston, TX.

 

13.45-14.00 aprox. contestación de preguntas recibidas a través do chat.

 

Breve biografía conferenciante:

 

Sonia Villapol Salgado, científica no Centro Médico de Texas (Houston, EE.UU.), forma parte do Equipo de Investigación Internacional da COVID-19 (COV-irt.org)

 

Naceu en Bretoña (Lugo). Estudou BUP no instituto de Meira.

Licenciada en Bioloxía Molecular pola Universidade de Santiago de Compostela (2003), é Doutora en Neurociencias pola Universidade Autónoma de Barcelona (2007). 

Traballou coma investigadora postdoutoral en laboratorios do Centro Nacional de investigación científica (CNRS) da Universidade Pierre e Marie Curie VI e no Instituto Nacional de sanidade e investigación médica (INSERM) do Hospital Robert Debré, en París (Francia). No ano 2010 trasladouse un EEUU, traballou nos Institutos Nacionais de Saúde (NIH) e no Centro de Neurociencias e Medicina Rexenerativa, en Maryland (EEUU). Foi profesora de Neurociencias na Universidade de Georgetown en Washington DC (EEUU).

 

A súa investigación científica céntrase no estudo de danos cerebrais, tanto infartos cerebrais, coma traumatismos craneoencefálicos, experimentando distintos tratamentos e explorando os mecanismos de resposta a múltiples procesos relacionados coa morte das neuronas.

 

Destacamos especialmente, a súa capacidade para compartir o seu saber, pois participa en numerosas actividades de divulgación científica no ámbito educativo e cultural. https://www.villapol-lab.com/

 

Na casa de papel na prensa

 

 El Progreso 12/11/2020

Premio para o proxecto Na Casa de Papel 2020 de 4º ESO

 

Gañamos o premio á Solidariedade e os dereitos humanos no marco da VI edición "Premio Aprendizaxe e Servizo" convocada por Edebé, a Rede española aprendizaxe-servizo e o MEFP. 

 

O proxecto "Na casa de papel" foi levado a cabo durante o confinamento do curso pasado polo alumnado de 4º de ESO coa coordinación de seis profesores.

 

Moitos parabéns aos participantes neste proxecto interdisciplinar de cooperación !!! Bravo!!!

 

Acta do xurado: Aquí

Na casa de papel - Resumo audiovisual

Samaín no Perdouro

O alumnado de 1º ESO C fixo figuras de papiroflexia para adornar o centro para celebrar Samaín. 

Para fomentar a concentración e a paciencia, na aula de Edución plástica Natalia levou a cabo unhas sesións de Origami, é dicir a arte do doblado de papel de forma organizada para crear figuras. Algúns aproveitaron para mellorar a súa motricidade fina. Fixeron cabazas, morcegos, pantasmas e caveiras.

Na aula de David, tamén houbo adornos especial Samaín feitos por el.

O alumnado de Imaxe Persoal elaborou unhas barras de bálsamo labial para ter os beizos ben hidratados durante estas noites de lúa chea. 

Accede ao albúm de fotos aquí.

Na casa de papel - artigo publicado na revista Maruxía 26

51 Na Casa De Papel

Revista Maruxía nº 26

Logo do traballo dirixido por Natalia Irimia, coordinadora do Equipo de Dinamización en Lingua Galega, sae o nº 26 da nosa revista escolar. Maruxía está chea de cores e recensións de moitas das actividades realizadas ao longo deste ano atípico. Recolle as saídas educativas, os obradoiros, carteis informativos así como composicións (coplas, odas, cartas de ánimo e diario). 

Esta vez non imos contar coa versión en papel da revista mais inclue código QR que fai dela unha revista máis interactiva. Esperamos que poidades desfrutar da súa lectura. 

Maruxía 26

Na Casa de papel na prensa

Recorte Prensa A Mariña de El Progreso 20/06/2020

 

Recorte Prensa A Mariña de La Voz de Galicia 20/06/2020

 

 

 

Emerxencia social Na casa de papel

Hoxe, xoves 18 de xuño, celebrouse no IES Perdouro un acto no que o alumnado de 4º ESO finalizou un proxecto que se denominou “Na casa de papel”. Esta iniciativa comezou pouco despois do confinamento e o seu nome alude a que a poboación tiña que quedar na casa. En colaboración cun grupo de docentes, o alumnado participou nunha serie de actividades nas que o obxectivo era a solidariedade.
Coa entrega das súas tarefas escolares de cada semana conseguían puntos que intercambiaban por máscaras de protección en primeiro lugar e, unha vez que eles estaban protexidos, comezaba a solidariedade cos demais:
- Colocáronse carros na maioría dos supermercados de Burela (Día, Eroski e Gadis) e todo o que se recolleu foi doado ao Banco de Alimentos da Mariña, que pasou de ter que atender as necesidades de 390 familias a abastecer a 765 nos últimos días.
- Os rapaces de 4º ESO, coa axuda dos seus compañeiros de 2º ESO, escribiron cartas aos maiores da localidade que viven sós e reciben axuda da Cruz Vermella. Esta organización entregou as súas misivas de apoio para aliviar a soidade e dar ánimo a cada unha destas persoas, 58 en total.
- Tamén se entregaron á Cruz Vermella 23 lotes de material escolar para que outros tantos nenos poidan comezar o próximo curso perfectamente equipados para as súas clases.
- Doáronse ademais 20 paquetes de produtos de puericultura e alimentación infantil aos servizos sociais do Concello de Burela, cuxas representantes regalaron aos alumnos unha máscara de protección solidaria para agradecer o seu traballo.
- Por último, organizouse unha recollida de roupa para doar a distintas asociacións, entre elas Cáritas.

Despois destes meses na casa e xa na última semana do curso, os rapaces mantiveron o ánimo e a motivación e entregaron as súas tarefas coa ilusión de colaborar con quen máis o necesitara. Demostraron á sociedade que, desde a casa, aínda se poden facer moitas cousas. Eles continuaron aprendendo, e non só contidos académicos. Coa súa aprendizaxe lograron axudar aos demais. 

No acto de entrega das doazóns que tivo lugar esta mañá no patio estiveron os seguintes representantes das entidades sociais as que puidemos axudar.

do Concello de Burela	Doazóns
Noelia María Ben, Concelleira de Muller e Igualdade, Cooperación e Inmigración, Carmela López, Concelleira de Servizos Sociais e Conchita Pernas, Técnico Municipal	produtos de aseo para bebés compostos principalmente por xel-xampú, esponxa, toalliñas, colonia e crema de protección solar.
do Banco de Alimentos
William Solano, representante do Banco da Mariña	28 kg de arroz, 20kg de pasta, 14 kg de lentellas, 23 l de aceite, 54 l de leite, 10 kg de azucre, 10 kg de galletas, conservas e produtos de hixiene e aseo persoal.
do Cruz Vermella Burela
Sonia Fraga Seara, educadora social, e Marta Amenedo Castiñeira, Traballadora Social	material escolar composto por bolígrafos, lapis, goma, tesoiras, afialapis, estoxo, carpeta de anillas e folios.

Accede á completa reportaxe fotográfica aquí. 

MOITAS GRAZAS AO POBO DE BURELA E Á COMUNIDADE EDUCATIVA 

POLA SÚA XENEROSIDADE.

Representamos obras de arte

Este curso, ao alumnado de 3º da ESO tocounos estudar a arte do Renacemento e do Barroco pola vía telemática. Como complemento, levamos a cabo unha actividade que tiña como obxectivo familiarizarse con obras de arte destes dous períodos. Nesta actividade, os alumnos e alumnas participantes debían sacarse fotos representando distintas obras de arte. Para isto, cada un deles tivo que buscar unha obra axeitada e logo usar a súa creatividade para representala. E quedáronlles ben chulas! Finalmente, realizamos a montaxe dun vídeo con todas estas imaxes.

Diario do confinamento 2020

Os alumnos/as de 4º de ESO estiveron escribindo os seus diarios do confinamento. A súa profesora Miruca Parga seleccionou os textos que forman o seguinte diario de 4º de ESO A. 

Diario Do Confinamento 4esoa

El libro de los relatos perdidos de Bambert - Exposición de globos de 1º ESO

Cando pisemos as rúas

Sería este un bo título para unha canción pop dos oitenta, agora que actualizamos o repertorio musical nacional, grazas aos balcóns. Mais, porén, é a frase que encabeza a maioría dos nosos propósitos nesta época que, parafraseando a Dickens, recordaremos como o mellor dos tempos, […] o peor dos tempos.

Atrás quedan, a medio camiño, os proxectos  planificados ao comezo do curso; as aulas baleiras, en cuxas paredes aínda resoan as voces do alumnado de 1º ESO lendo en voz alta; os fantásticos globos chineses, de diversas cores e tamaños, rendendo homenaxe aos soños de papel que o sensible escritor Bambert fixo voar polo mundo. Quen nos ía dicir que, ao igual ca el, viviriamos recluidos nas nosas casas.

Cando pisemos o instituto, alí estarán, esperándonos para darnos a benvida, tinguileando ao ar cando se volvan abrir a portas. Ese será o seu aplauso de recoñecemento a vosa afouteza e tesón durante todo este tempo que, grazas ao poder da literatura, pódese converter no mellor dos tempos. 

Yolanda Orjales Somoza - Profesora de Lingua Castelá

Na casa de papel - 4º ESO Proxecto de cooperación Aprendizaxe e servizo

No marco do noso proxecto educativo de cooperación Na casa de papel, colaboramos con Cruz Vermella Burela. Fixemos chegar ás avoas e aos avós unhas cartas de ánimo redactadas polo noso alumnado de 4° ESO para paliar os efectos do confinamento causados pola pandemia. 

Cartas Para Os Nosos Maiores Cruz Vermella

A non despedida de 2º Bach 2020

Chegou finalmente o gran acontecemento do ano: o remate da etapa educativa no instituto para o alumnado de 2º de Bach nun final de curso atípico e canto menos peculiar!!

Non foi posible reunirvos a todos para facer a foto de cada ano debido ás normas de distanciamento social pola COVID 19, mais xa haberá o momento para sacala e despedirnos.

Felicitamos a aquel alumnado que traballou nunhas circunstancias nunca experimentadas durante este período de confinamento e de estado de alarma polo seu esforzo e compromiso coa súa formación. Vai un aplauso especial tamén destinado a ese 20%  que obtivo unha media superior a 9. 

Moitos parabéns a Laura e Carmen por levar matrícula de honra.

Moita sorte a todxs na ABAU e outros destinos!

Promoción 2014-2020:

Alfonso Álvarez Sixto, Miguel Ángel Alves Veloz, Jairo Amancio Menéndez, María Ares Rodríguez, David Basanta González, Carolina Basanta Val, Christian de Brito Gonçalves, Pablo Delgado Domínguez, Noel Díaz García, María Fanego Eslava, Ainhoa Fanego Lestegás, Álvaro Fernández Fernández, Miguel Fernández Fernández, Artai Fernández Padrón, Carla Fra García, Iván García González, Pablo Goás Pardiñas, Álex Gómez Sixto, Marta Lestao Fernández, Borja Nogueira Rego, Alejandro Pena Teijeira, Samuel Pérez Franco, Laura Pernas Pérez, Carmen Pernas Pernas, Iván Pernas Pernas, Cristian Requeijo Fraga, Ángela Rivas Fiallega, Raisa Rivera Chonate, Iker Roca Strochinski, Daniel Rodríguez Fernández, Yael Rosa Fernández, Pablo Rubal Losada, Andrea Santos Pereiro, Cristina Vidal Fernández, Nicolau Vizoso López.

Día dos océanos

O 8 de xuño se celebra o Día Internacional dos Océanos, unha data establecida pola ONU co obxectivo de recoñecer a importancia que teñen os océanos para todas as especies e para o equilibrio ecolóxico do planeta.
O alumnado de 4° da ESO uniuse a esta celebración participando na elaboración dun vídeo no que representan parte da enorme biodiversidade dos océanos. Con el queren poñer en valor a riqueza e beleza do medio mariño dende fermosas localizacións da nosa costa.

Unha e mil veces grazas

No marco do noso proxecto educativo de cooperación Na casa de papel, o alumnado de 4º de ESO fixo un vídeo colaborativo para dar as grazas mil e unha veces aos colectivos máis afectados pola alarma sanitaria.

As gravacións foron feitas durante o confinamento debido á Covid 19. A edición final deste vídeo foi rematada aínda estes días. Trátase dun xesto desinteresado para recoñecer o esforzo e traballo de todxs nesta pandemia e para demostrar  tamén que a responsabilidade individual redunda no ben de todxs.

Letras Galegas en voz alta

Selección de textos especial Letras Galegas Ricardo Carvalho Calero

Un traballo do alumnado de 2°, 3° ESO e 2° de bach. do IES Perdouro guionizado pola profesora Belén Couto

Coplas en homenaxe a Carvalho Calero

Olimpíadas da Mariña 2020

Olimpíadas de 1º de ESO

Olimpíadas de 2º de ESO

Olimpíadas de 3º ESO

Olimpíadas de 4º de ESO

Olimpíadas de 1º de Bach

Letras galegas 2020 - Ricardo Carvalho Calero

Xa chegaron os carteis especiais Letras galegas que como cada ano acostumamos publicar. Este curso traballaron en equipo, investigaron e maquetaron os alumnos/as de 4º ESO liderados pola súa profesora Miruca Parga. Entre todos os carteis feitos houbo que seleccionar os doce que resumían  a vida e obra de Ricardo Carvalho Calero. Se queres saber máis sobre a figura homenaxeada das Letras deste ano, só tes que ver estes carteis informativos.

Letras Galegas 2020 - Ricardo Carvalho Calero

Cantámoslles aos Maios!!!!

O alumnado de 2º de 3º de ESO estivo compoñendo unhas coplas en lingua galega coa súa profesora Belén. E aquí o resultado da creatividade en ocasión moi graciosa do noso alumnado.

Presentación Coplas Maios 2020

Desafío literario

Serás quen de adiviñas que personaxe literario está representando o noso alumnado de 1º de Bach?

Adiante! Temos 21 viñetas. Aceptas o reto? Pois esperamos os teus comentarios.

Un traballo realizado en lingua castelá e literatura co alumnado de 1º de Bach.

Ricardo Carvalho Calero, o xogo

Queres poñer a proba o que sabes de Ricardo Carvalho Calero, figura homenaxeada no Día das Letras Galegas 2020? Xoga con Equipo de Dinamización do Colexio San Pio X de Ourense.

Letras Galegas 2020

LETRAS GALEGAS 2020

Traballo realizado polo alumnado da materia "Lingua Galega do s.XX e da actualidade" (2º BAC-B)

Grazas a: (por orde de aparición)
David Basanta
Carolina Basanta
Pablo Delgado
Ainhoa Fanego
Carla Fra
Iván García
Álex Gómez
Borja Nogueira
Alejandro Pena
Samuel Pérez
Carmen Pernas
Iker Roca
Andrea Santos
Nicolau Vizoso

Xogos Olímpicos da Mariña 2020 - Día do deporte da Casa

Xa temos os resultados da clasificación dos Xogos Olímpicos da Mariña organizado polo Seminario de Educación Física da Mariña de once centros educativos. Parabéns a todos os participantes !!

Medallas de ouro para :

Medallas de prata para :

Medallas de bronce para :

Alumnado do centro premiado:
1°ESO - Nacho, Andrea, Alexandre
2°ESO - Laura, Gabriela, Paula
3°ESO - Irene
4°ESO - Claudia, Noé.
Nuns días contaremos co vídeo de todos os participantes do IES Perdouro, alumnado e profesorado!!

Torneo de Parchís do IES Perdouro

Co propósito de retomar os xogos de mesa, nace @parchis_perdouro en Instagram !
Animádevos! Tedes ata o domingo 10 para inscribirvos.

Campionato de parchís por parellas: xógase nunha aplicación que se chama parchís star, dispoñible en play store, coas regras básicas do parchís.
No caso de que quixerades participar teriades que contactar con nós a través da conta de Instagram @parchis_perdouro, mandando o nome dos dous participantes e nós mandarémosvos unha ligazón para entrar nun grupo informativo de Whatsapp no cal só pode entrar un dos participantes desa parella. Este grupo será a vía por donde iremos explicando cómo serán as partidas, resultados e demais. 

A data límite de inscrición é o domingo 10 de maio, o torneo comezará o luns.
Cando se peche o prazo os participantes serán informados a través do grupo do torneo. Este xogo facémolo co fín de conciliar á comunidade educativa do noso centro.

Telexornal Día das Letras Galegas 2020

Xa chegou o telexornal adicado á figura homenaxeada no Día das Letras Galegas do CPI Plurilingüe dos Dices (Rois-A Coruña)- RICARDO CARVALHO CALERO, baixo a dirección do profesor Luís Aldegunde.

Rap do confinamento

Dende sempre a música actuou como o vehículo idóneo para a expresión e manifestación das emocións humanas. Nestes tempos de confinamento, de circunstancias insólitas nunca vividas, pedinlles aos meus alumnos de 4º que creasen unha letra e a interpretasen modo de rap, coa intención de que expresaran libremente todo aquelo que sentían e que ao mellor non verbalizaban.

O resultado foi extraordinario, e merecen todo o recoñecemento, non só polo gran potencial creativo, senón tamén pola actitude impecable, a conciencia que puxeron e a responsabilidade persoal que asumiron durante todo este proceso. Noraboa a todos!!

Aquí deixamos os raps por orde de lista.

Dolores Otero, profesora de música.

Día da Educación Física na CASA

Mañá martes 28 de abril celebramos o Día da Educación Física na rúa, e este ano pasa a ser o Día da Educación Física na CASA #DEFC convirtíndose no gran evento educativo destas semanas de confinamento.

Así que se te animas a participar le as seguintes instrucións:

Demostra que aceptas o reto practicando un deporte olímpico adaptado as túas posibilidades e dentro da casa.

Cómo participar?:

1. Construe unha antorcha similar á dos profes.

2. Grávate practicando un deporte olímpico. Se podes implica a túa familia.

3. O inicio do vídeo debe ser recollendo a antorcha pola túa dereita e logo finaliza o vídeo lanzándoa pola túa esquerda (como fan os profes no seu vídeo).

4. O vídeo non durará máis de 15 segundos e gravarase en HORIZONTAL.

5. Envía o vídeo aos teus profes de EF , Benxa ou Manuel, antes do domingo 3 de maio.

6. Farase unha montaxe por centros, e tamén outra coas mellores participacións de cada colexio/instituto.

7. Estos vídeos serán publicados nas distintas redes sociais que utilizan os centros

8. Anímate a participar e divírtete!

II Certame de regueifa do IES Perdouro - Fase confinamento

NON PERDAS O NORTE 2020

Debido ao confinamento pola aparición do virus SARS-CoV-2 o equipo organizador do certame decidiu actualizarse e adaptarse ás novas medidas. O certame cambia radicalmente.
 

Volvemos abrir o prazo de inscrición. Neste caso a vosa participación no certame consistirá no envío dun vídeo regueifando. 

Recibiranse vídeos ata o día 24 de abril. 

Para máis información consultar as bases na nosa web https://nonperdasonorte.webador.co.uk/

Finalistas do concurso de cartel 8M

Xa temos os traballos finalistas do concurso de cartel 8M. Parabéns ao participantes!!

Feminismo para vivir!!!

Baile pola igualdade

Tiñamos unha cita esta mañá no patio do instituto, profesores e alumnos. 

Era o baile definitivo sobre a canción E ti, só ti, versión de Sé,  co propósito de visibilizar a igualdade.

Logo de ensaiar nos recreos desta semana a coreografía do baile que as alumnas de xinmasia rítmica nos ensinaron, chegou o día da gravación. 

Celia Leivas, alumna de 3º ESO, conduciu o acto abríndoo coa lectura dun pequeno manifesto feito por ela.

Cristian fixo de técnico de cámara e contamos con José Luis do departmento de Electrónica na megafonía. Todo saíu ben, mais houbo que facer tres tomas. Agora toca esperar pola montaxe do vídeo. Mentres tanto aquí algunhas fotografía do acto 8M.

Pola igualdade

Con motivo do mes da IGUALDADE temos a intención de gravar un pequeno baile colectivo onde participemos todas e todos. A canción escollida é E ti, só ti, versión de Sés. Será o xoves 12.

Entón imos ensaiar a coreografía nos recreos do luns, martes e mércores.

Axúdanos a visibilizar a igualdade e ponte a bailar con nós.

E lembra: o xoves 12 gravamos. Vente vestidxs con algo lila/vioteta/morado.

Mulleres destacadas

Co gallo do Día da muller, na aula PT, o alumnado de Rosa traballou sobre estas mulleres que vemos neste  humilde mural. 

As paisaxes xeolóxicas da Mariña lucense

As alumnas e os alumnos de Xeoloxía de 2 de Bacharelato realizaron un traballo titulado "As paisaxes xeolóxicas da Mariña lucense", co obxectivo de coñecer e divulgar as paisaxes naturais xeolóxicas tan valiosas que existen neste lugar da xeografía galega. Para iso, dividimos o proxecto en tres grupos, de firma que un deles ocupouse da Mariña occidental, outro da Mariña central e, o restante, da Mariña oriental. Cada alumno/a escolleu dúas paisaxes da zona obxecto de estudo e estes son os paneis informativos que fixeron. Esperamos que vos gusten!

Accede por aquí ás fotografía do mural.

Excursión a Santiago de Compostela

O luns 10 de febreiro, o alumnado de 3º ESO foi de excursión a Santiago de Compostela, ao Teatro Principal e, máis tarde, ao centro comercial As Cancelas.

O autobús partiu de Burela ás 8:40, aproximadamente, e chegou ao Teatro Principal ás 11:15. Alí asistimos á obra didáctica Involución de 12:00h a 13:00h. Esta, trataba sobre a evolución da vida, empezando por unha bacteria e acabando por converterse nun empresario, pasando por cavernícola e emperador grego. Mentres interpretaba os papeis, o personaxe ía lucíndose como malabarista, trapecista ou bailarín.

Ao acabar, estivemos dando un paseo por Santiago coas profesoras Karina Parga e Dolores Otero como guías. Visitamos, ao saír, a catedral; despois, pasamos pola Praza das Praterías; tamén fomos á Praza do Obradoiro; á Porta Santa, porta que se abre só no Ano Santo (cando o 25 de xullo coincide domingo); a continuación fomos ao Pazo de Fonseca, onde está a Biblioteca e, por último, fomos ver a árbore da ciencia, onde se supón que se dás as costas e elixes unha rama que che dirá que deberías estudar.

Logo disto, o alumnado fomos xantar ao centro comercial As Cancelas e dar un paseo ata as 16:30h, hora á que regresamos a Burela en autobús.
Accede á reportaxe fotográfica aquí.

Lucía Ciria Cao - 3º ESO B

Referentes galegas

O pasado venres 15 de novembro recibimos na aula de 1º de Bacharelato a visita de Verónica Ramallal e Patrocinio Morrondo, dúas mulleres “REFERENTES GALEGAS” que forman parte deste proxecto desenvolvido pola Asociación de Executivas de Galicia para dar visibilidade ás numerosas mulleres profesionais galegas que son líderes nos seus respectivos sectores.

Patrocinio Morrondo é Catedrática da área de Sanidade Animal da Facultade de Veterinaria de Lugo, Presidenta da Axencia para a Calidade do Sistema Universitario de Galicia (ACSUG) e recentemente foi chamada para asesorar o Goberno de España sobre infraestruturas científicas singulares, despois de ser nomeada membro do Comité Asesor sobre Infraestruturas Únicas (CAIS) do Comité Executivo do Consello de Política Científica, Tecnolóxica e de Innovación do Ministerio de Ciencia, Innovación e Universidades. E ademais de todo isto, aínda ten tempo para colaborar en varios países de África na investigación veterinaria, a súa grande paixón.

Verónica Ramallal desenvolveu os seus primeiros traballos no ámbito da comunicación en empresas como a TVG ou La Voz de Galicia; máis tarde, traballou en distintas axencias social media a nivel estatal e internacional. No ano 2012 crea “Pekecha”, unha consultoría de márketing dixital e formación que traballa para importantes empresas e institucións ofrecendo servizos e asesoramento-acompañamento na súa comunicación on-line.

Ademais de falarnos da súa experiencia laboral tamén nos comentaron que todos os seus logros foron froito da constancia e o esforzo e dos sacrificios que tiveron que realizar para levar a cabo os seus soños tal e como elas querían. Esa é a mensaxe que nos transmitiron: con constancia e esforzo todo se pode conseguir.

Andrés Pardo - 1º Bach

Viaxar polo mundo

Benxa Soto, profesor de Educación física, fala da súa motivación e experiencia coa adquisión do inglés nas súas viaxes e inmersións lingüísticas en Canadá e Australia.

Prácticas de laboratorio: disección de corazón

A mellor forma de asentar os contidos da clase de anatomía son as prácticas de laboratorio. O alumnado de 1º de Bach diseccionou un corazón de porco e observou ás súas principais partes. 

O alumnado viu a anatomía exterior e interior do corazón e aprendeu a localizar venas, arterias, válvulas e a distinguir as distintas partes que o compoñen. Ademais aprenderon a utilizar adecuadamente os instrumentos de laboratorio como o bisturí con moita precaución de non cortarse. Ao ter realizado a práctica de disección, o alumnado localizou as 2 caras do corazón, a entrada e saída de venas e arterias e o tamaño e a función de aurículas e ventrículos. Grazas a esta práctica, a alumnado entenderá moito mellor o funcionamento do corazón e a súa importancia para a vida.

Accede á reportaxe fotográfica aquí.

Aquí un exemplo de protocolo.

II Certame de Regueifa

Xa temos convocado o II certame de regueifa do IES Perdouro. No hall de entrada está colocado un buzón onde podes deixar o formulario de inscrición. Tes ata o 18 de marzo para prepararte e ceibar a lingua!!!

Achegamos as bases:

Concurso de carteis 8M

O EDLG e a biblioteca convoca un concurso de carteis aberto a toda a comunidade educativa para conmemorar o mes da Muller. Prazo de entrega o 16/03/2020.

Bases 

- Escribe unha frase reivindicativa en galego.

- Escolle unha imaxe/debuxo ou un deseño do teu agrado.

- Os traballos poden ser presentados en formato papel A4 ou dixital JPG.

- Todo traballo debe incluír un lema e unha imaxe ou debuxo.

- Os traballos deben ser individuais.

- Valorarase a orixinalide e creatividade dos traballos presentados .

- No dorso de cada traballo debe indicar o nome e curso do alumnado.

- Os participantes poden presentar ata un máximo de 3 traballos.

Prevención na violencia de xénero

O pasado martes 11 de febreiro, o alumnado de 4º da ESO e 1º de FP Básica asistiu á charla impartida por Ana Caleya e Héctor Méndez, especialistas en violencia de xénero da Garda Civil, sobre a importancia de detectar e previr a violencia de xénero dentro das actividdes de sensibilización do Plan Director.

Nela explicáronnos os tipos de violencia que había, tanto a que era visible nos telexornais, que soe ser xa a violencia levada ó extremo, como toda esa violencia que a persoa sofre ata chegar a ese punto e as consecuencias que isto conleva na vítima, tanto físicas como psicolóxicas.

Falaron de como debería ser unha relación sa e de todos os estereotipos que aínda se teñen sobre os xéneros e sobre o amor romántico. Describiron a grandes trazos como é o perfil dun maltratador e como se escuda, nun principio, neste tipo de amor (celos, posesión, control…)

Intentaron concienciarnos de que debemos ser nós quen axude a derrubar esas barreiras e mitos e tratarnos como iguais sen distinción de xéneros.

Pareceunos unha charla moi interesante e educativa, xa que aínda que avanzamos neste tema, queda camiño por percorrer e a información é clave para identificar algunhas destas actitudes.

Accede á reportaxe fotográfica aquí.

Kai Quelle Lombardía - 4º B

Visita ao aeródromo de Rozas

O venres 14 de febreiro saímos de Burela con destino a Rozas. Cando chegamos ao CIAR (Centro de Investigación Aerotransportada de Rozas), varios economistas e enxeñeiros explicáronnos como era o proceso que seguían á hora de investigar, inventar, producir e poñer en práctica un prototipo de aeronave non pilotada. Ensináronnos varios programas que deseñaron para a localización de incendios e para saber onde caeron as cargas de auga dos hidroavións.
Neste aeródromo traballa a multinacional Babcock, que colabora nunha iniciativa chamada Fly the Future. Esta empresa creou o “LUA”, un prototipo deseñado para o control e extinción de incendios. Esta aeronave xa foi probada en Andalucía a principios de setembro. O custo de desenvolvemento deste prototipo foi de aproximadamente 10 millóns de euros, polo que ten unha ruta fixada de volta á casa por se se perdese o sinal dende a torre de control, dende a cal nos ensinaron os aparellos que empregan para saber se hai un avión ou helicóptero preto do aeródromo, xa que non poderían voar ningunha aeronave para non correr riscos.
Accede á reportaxe fotográfica aquí.

Uxía López Casas - 4ºESO B

Premiados no I Festival de Entroido 2020

Aí van os premiados das distintas modalidades deste I Festival de Entroido 2020:

Alumnxs	1º premio	2º premio	3º premio
Individual	Raúl 3º ESO A	deserto	deserto
Parellas	Os vellos 2º Bac	As ibn girl	Rumoras 1º ESO B
Grupos	Circo Macaco 2º ESO B	Teen Beach Movie 4º ESO A	Verán 3º ESO A

Profes	Mellor
Individual	Capitán EF - Manuel
Parellas	Alasca e Mario - Neves e Xián
Grupos	O rap dos profes -

Para acceder ás fotografías tomadas pola nosa compañeira e fotógrafa, Lucía Rivas, pica aquí.

Entroido 2020

Neste I Festival de Entroido do IES Perdouro conducido por Cristian, houbo moi boas participacións.
Samuel estaba aos mandos da música, Alejandra e Lucía inmortalizaron o acto facendo fotos e vídeos. Os xuices tomaron moi en serio o seu traballo: grazas a Susi, Sandra e Noé!!

Os premios foron donados polas tendas de Burela. Os Trofeos foron maquetados e impresos coa impresora 3D no taller de tecnoloxía así como uns chaveiros. Os diplomas estaban listos. O patio estaba engalanado de globos e guirnaldas. Entón xa podía comezar o desfile e a festaaaaaa!!! O noso grupo de gaitas abriu o acto acompañado por pandeiretas e tambor.

Accede aquí á reportaxe fotográfica. Parabéns a todos/as os participantes asi como o público!! Que viva o entroido!!!

Entroido tradicional en Galicia

O alumnado de 4º ESO TIC fixo un traballo de investigación sobre o entroido tradicional en Galicia e realizou 22 carteis que se expoñen na entrada do centro.

1. As bonitas de Sande
2. As gárgolas de Celanova
3. As madamitas de Entrimo
4. As máscaras de Manzaneda
5. As pantallas de Xinzo de Limia
6. Entroido de Vilaboa
7. Entroido Ribeirao
8. O oso de Salcedo
9. Os cabreiros de Muíños
10. Os cigarróns de Verín 
11. Os charrelos da Veiga
12. Os felos e as madamas de Esgos 
13. Os felos de Maceda
14. Os folións e boteiros de Viana do Bolo
15. Os follateiros de Lobios
16. Os galos da Mezquita
17. Os labardeiros e Señoritas de Mugares
18. Os peliqueiros de Laza
19. Os troiteiros de Bande
20. Os vellaróns de Ríos
21. Os vergalleiros de Sarreaus
22. Os xenerais do Ulla

Obradoiro no aeródromo de Rozas

O pasado 14 de febrerio, un grupo de alumnos/as de 4° ESO estivo no aeródromo de Rozas nun obradoiro para o fomento de vocacións científico-tecnolóxica.

Fly the future, organizada en colaboración con Babcock ten como obxectivo amosar o lado práctico das carreiras STEM, mediante a explicación, interacción e visión dos desenvolvementos tecnolóxicos abordados pola empresa Babcock na Civil UAVs Initiative. Realizaron unha visita ao hangar e á torre de control do Centro de Investigación Aerotransportada de Rozas (CIAR), referente a nivel europeo para a realización de ensaios certificados con vehículos non tripulados. Os estudantes tamén tiveron a oportunidade de ver ensaios de voo con UAVS e voar o LUA e demostracións con gafas 3D de simulacións dos desenvolvementos para incendios forestais de Babcock.

Accede á reportaxe fotográfica aquí. 

Ler nota de prensa en CodigoCero