Visita de Antón Mazaira

O día 21 de abril visitounos, na clase de Métodos Estatísticos e Numéricos de 2º BAC, Antón Mazaira, un antigo alumno do Centro.  

Antón estudou o Grao de Matemáticas na Universidade de Santiago de Compostela e opositou, logo de cursar un máster, para o Instituto Nacional de Estatística (INE), onde traballa en Madrid. 

Neste encontro falounos dos motivos que o levaron a realizar os estudos de Matemáticas e de como viviu o tempo que pasou na facultade. Tamén nos comentou o traballo que realiza no INE, así como diversos aspectos relacionados con este organismo. A través dunha charla agradable e amena, aprendimos moito e gozamos da experiencia de falar con Antón que, ademais, ten un perfil premiado de Tiktok e Instagram, que leva o nome de antontisimo, onde trata contidos de temática variada.