Feira do estudante na Coruña

O 14 de decembro o IES Perdouro acode co alumnado de 2º de Bacharelato a UNITOUR, unha feira de orientación universitaria celebrada no Palexco (A Coruña), dirixida a toda a comunidade educativa co eido de ofrecer información que axude ao alumnado a deseñar o seu futuro profesional.

Nela visitaron stands de universidades de toda España, tanto de titularidade pública como privada, que ofrecían información sobre os plans de estudos dos distintos grados que ofrecen, probas de acceso, bolsas, residencias. Alumnado, familias e profesorado en xeral ou orientadores en particular puideron resolver todas as dúbidas que se plantexasen.

Noelia Álvarez Acebedo, orientadora