AFAN é fogar de moitos usuarios que tamén teñen no IES Perdouro a súa casa

O alumnado e profesorado do departamento de Imaxe Persoal do IES Perdouro recibiu a visita dos usuarios de AFAN (Asociación de Familiares de Enfermos de Alzheimer e outras Enfermidades Neurodexenerativas) de Burela co propósito de coñecelos e axudarlles na mellora e asesoramento da imaxe. 

Resultou ser unha actividade enriquecedora para o noso alumnado debido a que puideron coñecer aspectos teóricos sobre a demencia e poñer en marcha non só os procedementos prácticos do currículo de peiteado e cosmética capilar senón tamén o emprego dos elementos transversais que atenden ao respecto, valores e coidados para a cidadanía, en especial e neste caso concreto, ante usuarios que teñen certas dificultades cognitivas e motoras, onde o profesional de peiteado xoga un papel fundamental para fortalecer e reforzar necesidades de autocoidado en relación coa hixiene capilar, peiteado en xeral e coidado das mans, tratando á súa vez de visibilizar e non estigmatizar a estas persoas. 

Queremos dar as grazas como departamento a todos aqueles que fixeron posible esta colaboración, en especial ás persoas que dirixen esta fundación e a quen traballa nela e que nos propuxeron a actividade. Tamén queremos mostrar o noso agradecemento aos usuarios de AFAN, ás familias e coidadores e ao noso alumnado e profesorado do ciclo medio de peiteado e cosmética capilar. 

Ata a vindeira visita, amigos! 

Podedes acceder ao álbum de fotos AQUÍ.

Práctica de maquillaxe e caracterización do CM de PCC no CEIP Fondo Nois

O alumnado de 1º curso de Ciclo Medio de Peiteado e Cosmética Capilar do IES Perdouro foi convidado desde o Colexio de Infantil e Primaria Fondo de Nois para acudir en calidade de voluntarios maquilladores de feridos dun simulacro de incendios e de accidente. Acudimos un total de cinco alumnas e un profesor do departamento de Imaxe persoal. Foi unha xornada produtiva para o alumnado e cremos que para toda a comunidade educativa. Puidemos desenvolver un traballo en equipo maquillando a nenos e maiores. Simulamos queimaduras, feridas e contusións e coñecemos a profesionais do sector sanitario, docentes e a todo o alumnado de Educación Infantil e Primaria. 

Desde o departamento de Imaxe persoal do IES Perdouro queremos dar as grazas e achegar os nosos parabéns a quen fixo posible a nosa colaboración nesta actividade tan divertida e enriquecedora. 

Resulta moi atractivo e interesante involucrar o alumnado do ciclo medio de Peiteado e Cosmética Capilar na realización de actividades que requiren tarefas nas que se amplían os coñecementos da familia profesional tal e como é este o caso: traballaron con técnicas de maquillaxe de efectos especiais que lles permiten ter contacto con esta modalidade de Imaxe persoal. O poder colaborar en reproducir estas técnicas trae consigo que o noso alumnado do ciclo poida pensar en animarse a cursar nun futuro o Técnico superior de Caracterización e Maquillaxe  seguindo na mesma liña de estudos.

Taller de técnicas de decoración de uñas con esmaltado permanente

O martes 7 de xuño o alumnado de 1º e 2º do CM de Peiteado e Cosmética Capilar recibiu formación sobre decoración de uñas con esmaltado permanente en horario intensivo de 8:30 a 18:30h, cunha parada entre as 14:00 e as 16:00h. 

A poñente Alessandra Costa da empresa Arte Uñas de Ribadeo ensinou ao alumnado distintas técnicas decorativas con esmaltado permanente, semipermanente, xeles e acrílicos estimulando a súa capacidade creativa: 

a) stamping: aplicación de deseños a través de moldes. 

b) xel-paint a man alzada inspirándose na elaboración de elementos florais e da natureza (creación de bolboretas, animal print etc). 

c) técnica de nivelación con xel. 

Ampliaremos a información coa crónica do propio alumnado. 

Podedes acceder ao álbum AQUÍ. 

ExpoCosmética en Porto - Portugal

As alumnas e alumnos do CM de Peiteados e Cosmética Capilar estiveron no Porto para asistir á feira ExpoCosmética, a maoir feira do sector da beleza e ben-estar a nivel ibérico. Coñeceron novos produtos e tendencias deste Salón Internacional de Cosmética, Estética e Cabelo. Tiveron a oportunidade de asistir a varias presentacións de traballos realizados en directo por profesionais.

ExpoCosmética en Porto - Portugal

As alumnas e alumnos do CM de Peiteados e Cosmética Capilar están no Porto para asistir á feira ExpoCosmética, a maoir feira do sector da beleza e ben-estar a nivel ibérico. Coñeceron novos produtos e tendencias deste Salón Internacional de Cosmética, Estética e Cabelo.

Tiveron a oportunidade de asistir a varias presentacións de traballos realizados en directo por profesionais. Ata o noso alumno Antón fixo de modelo de corte para Sir Fausto Barber.
Accede ás fotografías aquí. 

II Congreso de Imaxe Persoal

O vindeiro luns 29 de xaneiro de 8:30 h. a 14:00 h. terá lugar na biblioteca do IES Perdouro de Burela a segunda edición do ciclo de conferencias de Imaxe Persoal. Este ano o "II congreso de Imaxe Persoal" leva por título Adaptándose ao presente e ao futuro. Os contidos deste congreso están deseñados para o alumnado, profesorado de Imaxe Persoal e para as empresas colaboradoras nos programas de FCT. 

O Dr. Salvador Ramos Rey, Director médico de Spa Loida (A Coruña), abrirá o congreso cunha conferencia titulada O Impacto do cancro na imaxe persoal. Tratará o impacto socio-sanitario do cancro na sociedade actual. Falará da atención na imaxe persoal dos pacientes en relación ás secuelas que provocan os tratamentos oncolóxicos desta enfermidade. 

A segunda conferencia Cirurxía de trasplante de cabelo coa técnica FUE será impartida por Javier Rouco Martínez, Xefe de Departamento do Ciclo de Imaxe Persoal do centro. O trasplante de cabelo coa técnica FUE (Follicular Extraction Unit) é un trasplante dos máis avanzado para tratar calvicies e alopecias tanto en homes como mulleres. É unha técnica de microinxerto capilar para unha redistribución sistemática dos folículos pilosos que consiste na introducción de pequeños inxertos de coiro cabeludo. 

Catrinas, a maquillaxe para Samaín e triunfar nesta noite dos mortos

Para celebrar o Samaín as alumnas de 1º de CM Peiteado e Cosmética Capilar encarnaron á figura da Catrina. 

A orixe das Catrinas ven da cultura popular mexicana e son a representación caricaturesca de calaveras vestidas con roupas de gala, pertencentes à alta sociedade pensadas para retratar a miseria, os erros políticos, a hipocresía da sociedade, etc...

Mirade os consellos que nos dan as rapazas de Imaxe Persoal para lograr un perfecto look Catrina mexicana. Maquíllate cunha boa base branca (facultativo), uns ollos coloreados, un pequeno nariz marcado e uns debuxos como telas de araña, liñas curvas ou florais e unha cicatriz prolongada da boca. Logo hai que adornar o contorno dos ollos con cristais. E para terminar coloca unha coroa de flores de chamativas cores na cabeza. E listo para pasar unha noite dos mortos terrorífica!

Accede aquí ás demáis fotos no noso albúm. Moi bon traballo rapazas! Parabéns á profe, Ángeles!

Prácticas de laboratorio: Como facer unha crema hidratante

Os alumnos de 3º ESO participaron na elaboración dunha crema hidratante axudados polas súas profesoras de Física e Química (Cándida Campos e Ana Vázquez) e Tecnoloxía (Mª José Pardiñas), asesoradas á súa vez, por Elena Canay, profesora do CM de Peiteado e Cosmética Capilar.

Este traballo forma parte do Contrato Programa destinado á mellora das competencias clave en ciencia e tecnoloxía, no que se pretendía que o alumnado se introducise no mundo da biotecnoloxía.

Para acadar este fin, intentouse que coñecesen de primeira man como se elaboran os medicamentos, neste caso, un tratamento para a pel, integrando os coñecementos químicos e tecnolóxicos simulando o que se fai na realidade na industria farmacéutica e cosmética.

A crema elaborada conta, entre outros compoñentes, con aceite de árnica, manteiga de Karité, urea, auga e unhas gotas de esencia para conseguir un olor agradable. Non contén ningún conservante nin colorante.

 Accede ao noso albúm de fotos aquí.

Ciclos Formativos - Portas Abertas 2017 para o IES Monte Castelo

O 24 de maio, as aulas dos Ciclos Formativos do IES Perdouro abriron as súas portas ao alumnado do IES Monte Castelo para dar a coñecer a súa oferta educativa. 

Alumnos de 3º de ESO e 1º Bach do IES Monte Castelo acompañados pola súa profesora de Tecnoloxía e pola Orientadora foron recibidos na biblioteca Santiago Pérez, director, e pola nosa orientadora, Loly Chas, que lles programou un percorrido didáctico guiado polas instalacións das catro familias profesionais que ofrece o noso centro. Foron acollidos polos xefes de departamentos e por algún profesor das especialidades. O profesorado de FP explicoulles a carga horaria dos módulos impartidos, as actividades prácticas realizadas, a FCT e as posibles saídas laborais dos ciclos formativos de grao medio e superior. 

Accede ao noso álbum fotográfico aquí. 

Viaxe a Ourense

O martes 25 de outubro un grupo de alumnos de 1º Bac e 2º do CM de Imaxe Persoal visitaron a cidade de Ourense.

Ás 8:00 saímos do IES Perdouro e antes de chegar a Ourense, fixemos unha paradiña nos Peares, onde Antón, o profesor de Relixión, nos explicou que alí se xuntaban os ríos Miño e Sil. Tamén vimos, un pouco máis adiante, a central hidroeléctrica coa súa enorme presa.

Unha vez que chegamos a Ourense, o grupo dividiuse. Os alumnos e profesores de Imaxe Persoal tiñan preparado un intercambio no IES 12 de outubro para visitar as súas instalacións de Estética.

Ao grupo de Bacharelato, esperábaos o guía nas Burgas. Alí comprobaron que a auga subterránea afloraba a 67ºC e que moita xente se achegaba a recollela en recipientes polas súas propiedades curativas.

A continuación, realizamos un roteiro literario, no que o guía, José Ramón, nos deu a coñecer a vida e a obra dalgún dos numerosos literatos ourensáns: Valentín Lamas Carvajal, Ramón Otero Pedrayo, Vicente Risco, Eduardo Blanco Amor, Alexandre Bóveda… entre outros.

Ás 14:00 comemos no centro comercial Ponte Vella e pola tarde o alumnado e profesorado de Bacharelato realizou o intercambio co IES 12 de outubro.

Vimos como os rapaces do ciclo medio de Estética realizaban maquillaxes de Samaín, facían micropigmentación (algo semellante ás tatuaxes) ou usaban o circuíto termal que teñen instalado nunha das aulas.

Mentres tanto, o grupo de Imaxe Persoal visitou as instalacións termais da Chavasqueira.

Despois de que nos despedimos deles e do seu profesor Luis Ramilo, que xa traballou tamén no IES Perdouro, voltamos para a casa.

Miruca Parga Valiña

1º Bach - Viaxe a Ourense -

Asesoria e Proceso de Coidados da Imaxe Persoal nas persoas afectadas por Cancro

O pasado mércores 18 de maio o departamento de Imaxe persoal programou unha viaxe formativa á cidade da Coruña destinada a todo o alumnado de primeiro e segundo curso do ciclo medio de Peiteado e cosmética capilar. Foron recibidos no CIFP Someso onde recibiron ampla información sobre a oferta educativa da familia profesional da Imaxe Persoal. Visitaron as instalacións e as aulas-taller dos ciclos que aí se imparten. Na segunda parte da mañá o grupo de alumnos asistiron na aula magna a unha conferencia baixo o título de "Asesoria e Proceso de Coidados da Imaxe Persoal nas persoas afectadas por Cancro", impartido polo Dr. Salvador Ramos Rei en colaboración co grupo Loida. Tratou o impacto socio-sanitario que supón o cancro na sociedade actual, centrándose fundamentalmente na prevención. Explicou tamén o proceso de atención na imaxe persoal dos pacientes en relación ás secuelas que provocan os tratamentos oncolóxicos desta enfermidade. Logo da charla expositiva, os alumnos atenteron a unha demostración de proceso de coidados (coiro cabeludo, adaptación de perrucas e postizos, coidados da pel, e técnicas de maquillaxe correctora). Unha xornada moi interesante e moi completiña para os alumnos! Para ver o  albúm de fotos pica aquí.

V Xornadas de asesoría de imaxe, hixiene e estética persoal

Por quinto ano consecutivo o Departamento de Imaxe Persoal do IES Perdouro de Burela acolleu nas súas instalacións aos usuarios da Fundación "Eu Son". Ao longo dos dous días destas xornadas de convivencia, os alumnos e alumnas do ciclo medio de Peiteado e cosmética capilar realizáronlles diferentes prácticas de afeitados, arranxos de barbas, cortes de cabelo, hixienes e coloracións capilares, cambios de forma no cabelo e tratamentos estéticos de mans. Ademais os usuarios da Fundación Eu Son tamén aprenderon de forma fácil e divertida a proceder ao arranxo da súa imaxe.

Unha grande experiencia para todos, en especial para un futuro máis empático e tolerante do alumnado no sector profesional.

Javier Rouco, Xefe do Dpto de Imaxe Persoal

Ciclos Formativos - Portas Abertas 2016 para o IES Monte Castelo

Os días 24 e 25 de febreiro, as aulas dos Ciclos Formativos do IES Perdouro abriron as súas portas ao alumnado de 3º de ESO e 1º Bach. do IES Monte Castelo para dar a coñecer a súa oferta educativa. Consistiu nunha visita guiada e práctica onde o profesorado de FP lles explicou a carga horaria dos módulos impartidos, as actividades prácticas realizadas, a FCT e as posibles saídas laborais dos ciclos formativos de grao medio e superior. 

Tendencias en corte de cabelo e coloración capilar - CM Peiteado e cosmética capilar

O Departamento de Imaxe Persoal do IES Perdouro de Burela organizou esta mañá un obradoiro de tendencias en corte de cabelo e coloración capilar destinado ao seu alumnado do ciclo medio de Peiteado e cosmética capilar.

Dous técnicos do equipo artístico da casa comercial "Hair Concept" visitaron o taller de Imaxe Persoal do centro burelés para achegar ás técnicas máis actuais e vanguardistas do momento. Estos profesionais que contan cunha experiencia artística de máis de dúas décadas, viaxaron desde Barcelona para ensinar o método de asesoramento técnico que desenvolven dentro do seu equipo. Ademais os alumnos do Ciclo medio de Peiteado e cosmética capilar aprenderon técnicas de corte de cabelo con metodoloxía depurada ao estilo máis británico que levaron á practica. Os técnicos ensináronlles técnicas procedentes do legado "Vidal Sassoon", quén fixo revolucionar e evolucionar a profesión do peiteador con cortes xeométricos e simplistas na década dos 80 inspirado no movemento "bauhaus" e que mantén escola inglesa avanzada onde técnicos como os que visitaron o IES Perdouro seguen a especializarse. Remataron os cortes de cabelo con cores de fantasía da firma HC.

O departamento de Imaxe Persoal do IES Perdouro aposta por estar en contínuo contacto cos profesionais do sector para que estas actuacións formativas contribúan a mellorar o talento e a creatividade do seu alumnado do Ciclo Medio de Peiteado e cosmética capilar, un valor engadido para o seu desenvolvemento profesional. 

Alumnos do Ciclo Medio de Imaxe Persoal visitaron a expofeira internacional de beleza e estética este fin de semana en Madrid.

Alumnos do Ciclo Medio de Imaxe Persoal visitaron a expofeira internacional de beleza e estética este fin de semana en Madrid.

Máis de 1.200 marcas nacionais e internacionais relacionadas co mundo da beleza están presentes en Ifema con motivo da celebración da 18ª edición do Salón Look Madrid, a feria da Imaxe e Estética Integral.

O salón, que terá lugar ata o vindeiro día 26 de outubro, conta tamén con 370 empresas expositoras directas, que mostrarán ao visitante a súa oferta de innovacións e os seus últimos lanzamentos, segúndo informaron en Ifema, entidade organizadora, no comunicado de prensa.

Firmas como Cyclone, Keenwell, Nyxx, Alessandro, Moroccanoil ou Sisheido, referentes en estética, maquillaxe, uñas ou peluquería estarán presentes, entre outras, nun salón que tamén acollerá numerosas ponencias de eminencias en beleza con motivo da oitava edición do Congreso de Estética.

Prestixiosos expertos como as doutoras María Vitale, Concepción Llorens, Sandra de Oliveira ou Gloria Sabater; as esteticistas Consuelo Silveira, Rosa María Cruz e Cristina Galmiche; a especialista en marketing, Sonia Bonhevi e a profesora brasileira Cacia Rusenhack estarán presentes nas diferentes mesas redondas e ponencias no congreso.

Ademáis no pavillón 14.1 de Feria de Madrid -fogar habitual da Fashion Week Madrid-, se situará a pasarela Hair Look, donde se desenvolerán exhibicións de peluquería a cargo de destacadas figuras nacionais e internacionais.

Asimismo, Salón Look Madrid 2015 acollerá a cuarta edición da Galería de Innovación, donde se mostrarán as propostas máis revolucionarias do mundo pertencentes aos sectores de cosmética natural, estética, peluquería, medicina estética, uñas e maquillaxe.

I Congreso de Imaxe Persoal - 22/06/2015

Alumnas de Perruquería visitan o centro da Fundación Eu Son

O pasado 3 de xuño a profesora Laura de Formación e Orientación Laboral a proposta das alumnas de 1º do Ciclo Medio de Peiteado e Imaxe Persoal saíron a coñecer as diferentes institucións de Burela a onde se debe acudir para levar a cabo os diferentes tramites administrativos e burocráticos que tod@s nos temos que facer ao longo da nosa vida en diferentes momentos e circustancias como o Concello, a Oficina de Emprego, Instituto Nacional da Seguridade Social, etc.

Pero debemos destacar dentro da saida a visita a Fundación EU SON de Burela, referente na Mariña Lucense pola súa labor de acollemento as persoas con discapacidade intelectual proporcionadolles coidados e actividades as mesmas, na procura dunha mallor autonomía e independencia. As mozas do Ciclo Medio de Peiteado e Imaxe Persoal tiveron a ocasión durante tres días de coñecelos a tod@s xa que como todolos anos acuden ao taller de peiteado para poñerse guapos e guapas. Ao chegar o centro da Fundación poidemos ver como traballaban no taller de artesania e como recordaban as alumnas mostrandose moi afectuos@s e agradecid@s pola visita ao igual cas alumnas que recordaban os nomes de tod@s, maravilladas coa labor que se fai na Fundación e coa promesa de formar parte do voluntariado da fundación para seguir mantendo ese contacto e cariño con tod@s"

Laura del Río

Mostra de unllas creativas polas alumnas de 1º CM Peiteado e Cosmética Capilar

As alumnas de 1º de Ciclo Medio de Peiteados e Cosmética Capilar, realizaron como traballo de final de trimestre para o módulo de estética de mans e pés unha mostra de unllas creativas que lles mandou a súa profesora, Mariser San Lorenzo.

A mostra dos traballos está actualmente exposta na vitrina da entrada do centro.

Demostración de manicura no taller de Imaxe Persoal

As alumnas do ciclo medio de Peiteados e Cosmética Capilar asistiron o pasado 25 de febreiro a unha clase práctica de manicura. A xornada formativa centrouse nas técnicas actuáis en decoración de uñas a cargo dunha profesional da marca de cosméticos de Peggy Sagge. Nesta Actividade a profesional realizou varias técnicas de decoración que máis se demandan e que están de actualidade como son: decoración con caviar, degradados, uñas de gel, ilack esmaltado semipermanente etc.

Portas abertas Oferta educativa dos Ciclos Formativos

Alumnos de 4º PDC do IES Marqués de Sargadelos visitaron esta mañá as aulas e talleres dos ciclos formativos que se imparten no centro. Profesores e xefes de Departamento explicáronlles o plan de estudos dos ciclos medio de Mecanizado, Instalacións en Telecomunicacións, Peiteado e Cosmética Capilar e Xestión Administrativa así como as actividades e visitas complementarias á formación recibida no centro.