22.3.13

21 de marzo - Triple celebración


Estamos de triple celebración. O 21 de marzo celebramos a entrada da primavera, o Día da Árbore e o Día da Poesía. Con tal motivo, o alumnado de 3º de ESO en compañía dos seus homólogos bretóns realizaron un recital poético bilingüe en torno a protección da nosa natureza e a preservación do noso medioambiente. Para clausurar o acto, procederon a plantar un castiñeiro, especímen autóctono das terras galegas, con fin de conmemorar o proxecto Comenius "Mon écoville" que nos unirá durante dous anos.  Fermoso!!!!


En 1840 Suecia foi o primeiro país do mundo que instituiu un día dedicado á árbore co fin de concienciar da importancia que teñen os recursos forestais, ademais dun compromiso polo coidado das árbores. As árbores regulan a temperatura, purifican o aire, contribúen a regular as choivas, protexen o suelo e albergan ecosistemas, sen olvidar o seu peso económico.

Xornadas de convivencia cos usuarios da Fundación Eu Son de Burela

Ao longo desta semana recibimos a visita da Fundación "Eu Son" para a protección de persoas con discapacidade intelectual de Burela. Foron un total de 31 rapazas e rapaces os que puideron realizar diversas tarefas de imaxe persoal dende hixiene capilar, peiteados ata manicura, todo iso baixo a supervisión das alumnas e alumnos de 2º do Ciclo Medio de Perrucaría.

Begoña Rodríguez, xefa do Departamento de Imaxe e coordinadora das xornadas, sinala que disfrutaron moito con estas tarefas e agarda poder contar con repetir a experiencia un ano máis.

20.3.13

Obradoiro de canto con Evinha

Evinha, artista luguesa, participou nun obradoiro de Música coordinado pola profesora Dolores Otero e destinado a alumnos e alumnas de 3º de ESO.

Clube de lectura con Marcos Calveiro

Os alumnos do clube de lectura do IES Perdouro viaxaron este mércores día 20 de marzo ata Viveiro para xuntarse cos seus compañeiros do Liber Amoenus  do IES Vilar Ponte co propósito de entrevistarse co autor do libro O pintor do sombreiro de malvas, Marcos Calveiro. Logo da exposición do escritor, os clubeiros intercambiaron opinións sobre a lectura da obra e remataron o encontro cunha comida de confraternidade entre ambos clubes.


19.3.13

Acto musical

A aula de música do IES Perdouro de Burela recibe este mércores día 20 a visita de Eva Cajide Pedreira, artisticamente Evinha.

Esta moza luguesa de 21 anos é unha das tres representantes da provincia de Lugo que disputan as últimas fases dos Recantos da TVG, un concurso orientado á descuberta de novos valores musicais. Con este encontro musical, a área de Música do Instituto Perdouro pretende ofrecer unha actividade práctica ao alumnado en cuestións como a composición e interpretación musicais. A súa xornada didáctica comezará ás 9:20 da mañá. Posteriormente gravará con Matías Nicieza unha breve colaboración coa iniciativa pedagóxica “Modelo Burela” e, xa en horario de tarde, participará no programa radiofónico Proxecto Neo, onde coincidirá cos alumn@s que participan no seu club de fans, moi especialmente cunha das súas impulsoras, Xeila Villarino Coto.

Obradoiro na Fundación Tic

Un grupo de 27 rapaces e tres profesores procedentes da localidade de Janzé, na Bretaña francesa, visitaron o 18 de marzo as instalacións da Fundación TIC.
Os estudantes están en Burela con motivo dun intercambio de estudos co IES Perdouro de Burela dentro dun convenio de 2 anos de duración chamado “A nosa ecocidade cidadano verde”. Estarán en Burela 10 días.

Ademais de coñecer a Escola de Imaxe e Son, único centro educativo da provincia que imparte ensinanzas de formación profesional da familia audiovisual, os estudantes participaron na grabación do “Ticodiario”, un programa informativo realizado e editado polos alumnos da Escola e Imaxe de Son de Lugo.

Ticodiario enmárcase nun programa de visitas e actividades organizado pola Fundación TIC, para achegar as novas tecnoloxías ós mais novos. Cerca de vinte centros educativos de toda a provincia asistirán ata o mes de xuño a algunha das gravacións deste novo programa de televisión.


Obradoiro de pinturas rupestres

REGRESO  AO PASADO

Cun obradoiro de arqueoloxía, os alumnos de 2º da ESO viviron por unas horas o xeito que tiñan os homes primitivos de levar a cabo as súas expresións artísticas , os recursos  dos que dispoñían e o material que eran capaces de elaborar.
Dun xeito diferente houbo unha aproximación ás pinturas rupestres e aos gravados na pedra, á súa finalidade última e á maneira de conseguilo. Toda unha experiencia histórica!!!

Obradoiro sobre redes sociais e privacidade en Internet

Hoxe, o alumado de 4º ESO e 1º de Bach recibiron unhas charlas sobre Privacidade, Seguridade e Riscos da Internet e da utilización de computadoras e dispositivos móbiles impartida por Manel Mendes Ramos, ponente da Asociación Galega Xaira

O obxectivo é discutir co alumnado algunhas "Ciber-Ameazas" do momento, como Ciber-Acoso, o Sexting e a Tecnoadición, asín como ferramentas para navegar e utilizar as computadoras e móbiles de forma segura, privada e legal. Nestas sesións falouse tamén de situacións prácticas nas redes sociais máis coñecidas como tuenti e facebook ; identifícouse algúns "malwares" como virus, troianos e SpyWares e de como protexerse deles; e dérouse algúns consellos de ergonomía para conseguir unha boa postura e relación ca computadora e previr problemas de saúde derivados da mala utilización das computadoras.

E aquí pódese descargar información ao respecto.

18.3.13

Fallo do xurado do concurso de Banda Deseñada 2013

Foron fallados os premios do concurso de creación de BD no marco dos V Encontros de Banda Deseñada na Mariña.

CATEGORÍA ESCOLAR ATA 14 ANOS

    o 1º premio foi obtido por Andrea Barro Rodríguez do IES Perdouro coa obra "A casa pantasma"

    o 2º premio foi para Carmen Manuela Suárez García doCEIP de Cervo coa obra "O gato gatiño"

CATEGORÍA ESCOLAR ATA 18 ANOS

    o 1º premio recibironno Sara Palomino Arnanz e Myriam López Otero do IES San Rosendo de Mondoñedo pola banda deseñada "O segredo da pintura"

    o 2º premio foi para unha obra titulada "Unha viaxe redonda" presentada por Antía Fernández Fernández e Aurora Rodríguez García, alumnas do IES San Rosendo de Mondoñedo.

CATEGORÍA ABERTA

    o 1º premio foi obtido por Nicolás Martín Alessandro (Guionista) & Julián Rocha (Debuxante) coa obra "Azar"

    o 2º premio foi para Inés Vázquez Ramallal coa obra "Por unha presa de grelos"

A organización quere mostrar o seu agradecemento a todos os participantes e especialmente aos docentes e alumnado dos centros educativos que amosaron o seu interese por estes Encontros.

15.3.13

Reunión do xurado do Concurso de Banda Deseñada 2013

Nesta edición as obras do concurso dos V Encontros de Banda Deseñada na Mariña proveñen mesmo doutros lugares de Europa e América.

Continúan as actividades relacionadas coa Banda Deseñada organizadas polo IES Perdouro de Burela.

O xurado do concurso reuniuse hoxe para comezar a valoración das obras participantes nesta quinta edición. Os organizadores dos Encontros queren destacar a calidade dos traballos presentados e tamén a súa cantidade. É salientable, por outra parte que, nesta ocasión, a procedencia das distintas creacións é moi diversa: Portugal, Arxentina, etc.

O fallo do xurado terá lugar o próximo luns 18 de marzo no IES Perdouro. 

IdA - proxecto de mobilidade para mozas e mozos

Os días 13 e 14 de marzo, o director do IES Perdouro, Santiago Pérez Docobo, e José Antonio Alvite Fernández, profesor de Ciclos Formativos, asistiron na Coruña a unhas xornadas transnacionais do programa IdA “Mobilidade de xuventude en situación de desventaxa entre Alemaña e Galicia” na Fundación Paideia. 

A Fundación Paideia Galiza (A Coruña) a través do Ministerio Alemán de Traballo e Asuntos Sociais e no marco do Programa “IdA - Integración a través de intercambio” (un programa alemán, financiado polo Fondo Social Europeo) ten un acordo co proxecto alemán “A ida- vias transnacionais para a integración no mercado de traballo e desenvolvemento rexional”. IdA ofrece prácticas laborais no extranxeiro a aquelas mozas e mozos que deixaron os estudos, rapaces titulados que buscan emprego, desempregados, e nais-pais solteiras/os. Dende o inicio do programa en 2008, cerca de 7.600 mozos alemáns participaron en IdA. En concreto, no marco de cooperación coa Fundación Paideia, 137 alemáns realizaron as súas prácticas en Galicia e desde  2012 a entidade galega enviou 41 participantes a Alemaña. 

Tras obter os resultados de avaliación, aproximadamente, o 60% dos participantes de IdA accederon a un posto de traballo ou a unha formación profesional unha vez finalizada a súa estancia no estranxeiro.

O objetivo principal destas xornadas é transferir o programa ao resto das comunidades autónomas e conxuntamente debater sobre cales poden ser os recursos para o fomento da empregabilidade da nosa  xunventude dada a trascendencia que nestes momentos teñen as políticas de emprego xuvenil. 

Estase a preparar unha saída a Alemaña dende Galicia para todas/os aqueles interesados . Ver requisitos aquí.



13.3.13

Visita da Directora da BBZ

Santiago Pérez, director do IES Perdouro, recibiu a visita da directora da BBZ - Centro de Formación Profesional (Berufsbildungszentrum Augsburg der Lehmbaugruppe gGmbH)-, Maria Klingelstein, este martes, día 12 de marzo, no marco do Proxecto IdA Explorer! que se está a desenvolver todo este mes cun grupo de mozas e mozos alemáns en Burela. Nesta visita ás instalacións do noso centro educativo, María Klingelstein tivo a oportunidade de coñecer persoalmente o equipo directivo e informarse sobre o sistema educativo español. Valorou o funcionamento do proxecto en Burela moi positivamente. Aproveitará para visitar algunhas das nosas empresas colaboradoras nestes días.

8.3.13

8 de marzo - día da muller traballadora

Inés Pardo Parra e Eva Pernas Fernández, alumnas de 3º de ESO, gañaron o Concurso de Lema co galo de celebrar o Día da Muller Traballadora convocado polo Departamento de Orientación do centro.

Non envelenes o amor con violencia.

Ás veces o corazón pesa demasiado por culpa das cicatrices que deixas nel.

7.3.13

Mentalízate - Campaña de sensibilización sobre enfermidades mentais

A asociación de Axuda ao Enfermo Mental da Mariña impartiu ao alumnado de 4º de ESO e 4º PDC este xoves 7 de marzo unha charla divulgativa co obxectivo de sensibilizalo ás enfermidades mentais.

Mentálizate é unha campaña para informar e sensibilizar aos mozos/as sobre saúde mental e enfermidades mentais. Esta actividade que se desenvolve a nivel nacional vai dirixida fundamentalemente aos rapaces de entre 14 e 20 anos. Pretende promover hábitos e estilos de vida saudables e a prevención de problemas de saúde mental, concienciando aos máis novos sobre o perigo de certas condutas de risco como o consumo de tóxicos.

Sonia Nogueiras Oroza, psicóloga do centro de axuda ao enfermo mental, e Vanesa García Cayón, educadora social, explicaron o noso alumnado que a enfermidade mental é unha patoloxía severa e persistente, que en parte pode prevenirse coa axuda de todos, colaborando na detección precoz de síntomas, educando en habilidades interpersonais para prevenir as condutas de risco, como o consumo de cannabis e outras drogas, e fomentando hábitos de vida saudables. Ademais fixeron especial fincape nunha actitude positiva hacia aquelas persoas que padecen unha enfermidade mental e hacia os seus familiares co propósito de evitar e eliminar a discriminación e prejuizos hacia estas persoas.




4.3.13

Proxecto IdA Explorer! - Acollida do grupo de rapaces e rapazas da BBZ - primavera 2013

Por cuarto ano consecutivo, o IES Perdouro de Burela colabora nun proxecto pioneiro europeo de formación coa BBZ – o centro de formación e inserción laboral da localidade alemá de Augsburgo -  na acollida de rapaces e rapazas en centros de traballo da localidade.


Este luns, día 4 de marzo, o director do IES Perdouro, Santiago Pérez, recibiu un grupo de rapaces e rapazas alemáns do programa europeo de mobilidade por intercambio IdA Explorer!. Nesta ocasión son nove os participantes deste proxecto que realizarán as súas prácticas en empresas nos diferentes sectores da economía burelá ata finais deste mes de marzo. Chegaron con moita ilusión de aprender e abrir horizontes profesionais. Logo da acollida e visita no centro educativo, os futuros aprendices foron recibidos no Concello de Burela pola Concelleira de Asuntos Sociais, Diana Durán, nunha pequena recepción de benvida no salón de plenos. Para rematar a xornada, a Vicedirectora, Karina Parga, acompañounos a visitar algún dos puntos de interese de Burela e achegáronse ata a praia das Catedrais declarada monumento natural pola Rede Natura.

Hubertus Freisinger, coordinador alemán do proxecto IdA, aproveitou para  mostrar a súa gran satisfacción coa colaboración do IES Perdouro e o seu agradecemento pola boa dispoñibilidade das empresas colaboradoras de Burela. Adianta que os días 13 e 14 de marzo, organízanse na Coruña unhas xornadas transnacionais do programa IdA “Mobilidade de xuventude en situación de desventaxa entre Alemaña e Galicia” na Fundación Paideia.

Karina Parga, Vicedirectora do IES Perdouro e encargada do Proxectos Europeos, explica que este proxecto piloto alemán, IdA EXPLORER!, respaldado polo Ministerio de Traballo e Asuntos Sociais de Alemaña e financiado polo Fondo Social Europeo, trata de incrementar as oportunidades de estudos da xuventude, e fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. A Vicedirectora sinala que nestes tres anos que leva traballando coa BBZ un total de 65 alemáns realizaron as súas prácticas na localidade de Burela.

1.3.13

1º Premio no Concurso de Robótica para un equipo do CM IT

O Instituto Galego de Ciencia IGACIENCIA organizou a actividade "A Maxia da Robótica". O V Concurso Galego de Robótica realizouse durante ao longo desta semana na Fundación Barrié da Coruña. Nesta actividade pretendeuse achegar aos nosos alumnos e alumnas o campo da robótica e aproveitar a súa "maxia" para promover a cultura científica na nosa sociedade galega. Consistiu na programación dun robot  que tiña que superar unha serie de retos.

O primeiro premio na categoría de Bacharelato e Ciclos Formativos, foi acadado polo equipo formado por Raúl González Moirón, Sony Monteiro Lopes da Silva e Francisco Javier Díaz Soto. Os tres son alumnos do Ciclo Medio de Instalación de Telecomunicacións no I.E.S. Perdouro de Burela.

Hoxe, as 18h00 fíxose entrega dos premios co seguinte resultado: 

Categoría Secundaria Obrigatoria:
  • 1º premio : IES Francisco Asorey - 57 puntos
  • 2º premio: empates de 50 puntos: IES A Cachada, IES de Tomiño (3), IES Canido
Categoría BAC e Ciclos:
  • 1º premio: IES Perdouro de Burela - 54 puntos
  • 2º premio : IES Pontepedriña - 50 puntos
  • 3º premio: IES Sofía Casanova - 46 puntos - empatado co IES de Sabón de Arteixo
Related Posts Plugin for WordPress, Blogger...