20.12.13

Desexámosvos unhas felices festas!


Capitanía marítima de Burela: as súas funcións

O 20 de decembro o I.E.S. Perdouro recibiu a visita de Fernando Otero Alonso, Coordinador de Inspección e Seguridade Marítima na Capitanía Marítima de Burela. 

O acto, organizado pola  A.C. “Os Matos”, consistiu  nunha charla dirixida ao alumnado de 1º e 2º de Bacharelato, que seguiu con interese a intervención de Fernando Otero. 

A súa exposición versou sobre o traballo que se desenvolve en Capitanía Marítima, que ten como principal obxectivo “velar pola seguridade marítima”.  Na súa intervención falou sobre “a seguridade da vida no mar” e “o cumprimento de normas sobre contaminación marítima”. 

Antes de rematar informou sobre os estudos necesarios para alcanzar a titulación para traballar en barcos ou como funcionario en distintos servizos de Capitanía. Varios alumnos interesáronse por estes temas facendo preguntas ao respecto.

19.12.13

Alumnos de 3º de ESO facendo o Camiño Norte - Lourenzá

PERCORRIDO A PÉ POLO CAMIÑO NORTE (LOURENZÁ)

O día 19 de decembro un grupo de alumnos de 3º de ESO  desprazouse ata o Concello de Lourenzá para percorrer a pé un tramo do Camiño de Santiago (Camiño Norte), actividade programada polos Departamentos de Ciencias Sociais e Relixión Católica. Durante o percorrido, o alumnado escoitou as explicacións dos profesores acompañantes, Maribel e Antón, que lles axudaron a comprender varios aspectos da ruta a Santiago.

Nun agradable paseo polo centro de Lourenzá, o grupo detívose diante da Casa Natal do recoñecido escritor Francisco Fernández del Riego, onde se informou da súa vida e obra, facendo fincapé en que ocupou o cargo de Presidente da Real Academia da Lingua.

Moi pretiño de Lourenzá, en pleno val, está o Pazo de Tovar. Alí puideron ver os traballos de restauración desta fortaleza que, dentro de pouco, albergará un museo.

Despois dun tempo de lecer, a mañá rematou na Igrexa de Lourenzá e no Museo de Arte Sacra, onde unha guía municipal informou detalladamente ao alumnado sobre os lugares incluídos na visita: fachada da Igrexa, interior do templo, sancristía, relicario, sepulcro do Conde Santo…

Na viaxe de volta o comentario xeral era que Lourenzá conserva un rico patrimonio histórico e artístico que paga a pena coñecer.

Fixádevos na seguinte reportaxe fotográfica canto aprenderon!

16.12.13

Chévere: I'll be watching you: a construción do xénero a través da música comercial

A pasado 16 de decembro, alumnos de 2º, 3º e 4º ESO asistiron á representación da obra de teatro con perspectiva de xénero: I’LL BE WATCHING YOU (hei estar vixiándote) do grupo Chévere.

Trátase dun proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo.

Yeni é a vocalista e Dami o guitarrista dunha orquestra de pachanga. Veñen ofrecer o típico repertorio versioneando os éxitos do pop actual, esa música coñecida por todo o mundo e supostamente neutral, apolítica. Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.

ILL’ BE WATCHING YOU fala dos valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, a cosificación da muller, os celos como proba de amor, a connivencia coa violencia e o sentimento de propiedade sobre a outra persoa. Fala das relacións de igual a igual frente ás que non o son, da autoestima, da necesidade da reacción das propias mulleres para poñer fin á violencia de xénero.

13.12.13

1º Bach de visita en Lugo

O día 13 de Decembro os alumnos de 1º e 2º de Bacharelato fixeron unha visita a Fundación TIC de Lugo. Antes da visita á fundación, realizamos unha visita á biblioteca intercentros do campus de Lugo, onde os alumnos poideron comprobar in situ o funcionamento da mesma, localizando libros das distintas titulacións e orientandose a través de planos para poder encontralos.

A continuación fixemos a visita á Fundación TIC, é unha escola de imaxe e son que ten estudos relacionados cos ciclos superiores de producción e realización. O longo da visita ensináronnos  as instalacións e platós do centro onde se forman os profesionais do mundo audiovisual. Explicáronnos o funcionamento das unidades móviles de televisión. E vimos tamén as distintas especialidades desta escola: mundo da  televisión, radio, cine, e ambito dos videoxogos.
Houbo unha actividade na que os alumnos foron os protagonistas dun informativo no plató da fundación. Fixérono realmente ben, como auténticos profesionais. Tivemos unha agradable charla cos profesores do centro no que nos informaron sobre a situación de crise que atravesa o sector audiovisual.


As actividades realizadas pola tarde foron, visita o museo provincial de Lugo onde asistimos a unha interesante explicación sobre o patrimonio arqueolóxico da cidade de Lugo.  Asistimos as explicacións sobre aras votivas, estelas romanas e mosaicos que constituen o legado romano de Lugo. Igualmente fixemos unha visita a exposición da cerámica de Isaac Díaz Pardo.

Acabamos a visita na Casa dos mosaicos de Lugo.  Esta casa data dos séculos I e II e estivo ocupada ata mediados do século V. O introducirnos no recinto sorprendeunos a gran sala de recepción na que todavía se poden contemplar os restos das columnas que cubrían o seu perímetro. A guía turística explicounos a técnica empregada para a realización dos mosaicos (opus tessellatum). Fixéronse con pequenas pezas de mármol de diferentes cores, que no chan forman composicións pictóricas. Foi moi interesante tamén o audiovisual que facía referencia  a evolución urbana de Lugo dende a época romana ata os nosos días, así como a distribución da domus e as súas distintas estancias: vestíbulo, atrium o espacio central, sistema de calefacción o hypocaustum…

Foi unha xornada moi intensa na que se fixeron moitas actividades tanto culturais como de coñecemento de oferta de estudos.

12.12.13

Charlas sobre internet - 1º ESO

Dentro do Plan Director para a Convivencia e a Mellora da Seguridade Escolar, Ramón Peña, formador da Garda Civil de Lugo, informou e asesorou o noso alumnado de 1º de ESO no manexo e uso responsable de internet en diferentes dispositivos informáticos como poden ser os ordenadores, teléfonos ou tablets nunha charla impartida o pasado xoves, día 12 de decembro.

O axente Peña explicoulles a necesidade de implantar na súa rutina diaria en Internet unha serie de consellos para protexer a súa persoa e intimidade e evitar a comisión de delictos. Incidíu en que é necesario educar no intercambio e usos propios e alleos de imaxes íntimas e persoais. Fixo tamén fincapé no perigo de facilitar datos persoais e íntimos a descoñecidos e na necesidade de que comenten cos seus pais, titores ou profesores calquera contido estrano e/ou ameazante que detecten en Internet.

11.12.13

A nosa particular árbore de Nadal 2013

Este curso, como actividade do proxecto interdisciplinar BurelaXogaRecíclase, Mª Xosé Andión ideou facer unha árbore de nadal con OVEIRAS !!! Con oveiras si !!! Unha loucura me diredes!! Pois si.

Aí nos puxemos a recolectar caixas de ovos de todos os tamaños por todas as casas. Logo sacámoslles as etiquetas unha a unha e pintámolas con moito esmero. Mais quedaba a parte máis dificil: a ensamblaxe. Fixemos unhas probas de montaxe, Mª Xosé e mais eu, que non nos convencían demasiado. Pero contamos con moita axuda. Xa veredes cantos participamos nesta obra que naceu sendo unha actividade de clase e acabou sendo unha actividade de unión entre todos, alumnos e profesores. Todos aportamos o noso gran de area:
  • José Luís calculando a altura e circunferencia; 
  • José, o noso arquitecto, propuxo desestruturar a árbore en 4 tramos, 
  • Karina preocupouse do paralelismo das caixas, 
  • Montse e familia pegaron e recortaron oveiras por decenas, 
  • as monitoras de Gaia pintáronas cos seus nenos da gardería, 
  • Tania e Elena retocaron a pintura, 
  • Fran axudounos a encontrar o punto de gravidade da árbore, 
  • Cristina foi mercar un sedal máis resistente que puidera co peso da nosa árbore, 
  • Javier, o noso xardineiro, tensou o sedal baixo o mando de José, 
  • E todo o alumnado de 1º e 2º de ESO e 1º BAC (de Grego) pintaron e pintaron oveiras e prepararon as bases circulares de cada tramo da árbore. 
E, finalmente, Mª Xosé puido ver convertida en realidade a súa proposta de Nadal reciclado.

Día Internacional dos Dereitos Humanos - 10 de decembro 2013

Os alumnos de 2º de ESO e 1º de Bach de grego coa axuda da súa profesora Mª José Andión, realizaron uns carteis conmemorativos do día dos Dereitos Humanos.

Que son os dereitos humanos? 

10.12.13

Charla sobre drogas - 3º e 4º ESO + PCPI

O pasado martes 10 de decembro, o alumnado de 3º , 4º ESO, PDC e PCPI recibiu na biblioteca do centro unha charla de prevención sobre drogas impartida por Ramón Peña, formador da Garda Civil de Lugo. Esta actividade forma parte do Plan Director para a Convivencia e a Mellora da Seguridade Escolar.


2.12.13

Día da Sida - mesas informativas no Perdouro

Co propósito de conmemorar o día da Sida, voluntarios de Cruz Vermella informaron o alumnado e repartiron preservativos entre o alumnado dos Ciclos Formativos asi como folletos informativos.

Novidades na biblioteca : recomendacións de lectura para este Nadal

Pásate pola biblioteca e leva os libros que máis che apetecen.

28.11.13

Premios no Concurso de cartel Día da Sida

Antía Baño, alumna de 3º de ESO, e Saray Rozas, alumna de 4º ESO, acadaron o premio respectivamente  nas categorías de 12-15 anos e de 16-18 anos no Concurso de Cartel convocado pola unidade asistencial de drogodependencias de Burela para conmemorar o día da Sida.
O pasado 28 de novembro o edil, José González Barcia, e a concelleira de Sanidade, Diana Durán entregaron os galardóns os premiados.

2º ESO - Inmersión Lingüística Salduero


Un grupo de 25 alumnos de 2º de ESO están pasando uns días por Soria prácticando inglés grazas a un programa de inmersión lingüística no Albergue Caja Duero de Salduero. Comparten esta experiencia con alumnos do IES Antonio de Nebrija de Móstoles.

Os alumnos realizaron rutas por Salduero e Molinos de Duero a orillas do río que segue conxelado polas orillas. Practican inglés todo o día cos monitores e profesores do campamento a través de xogos como Trivial, ginkanas, concursos televisivos... Levan a cabo obradoiros relacionados co medioambiente nos que realizan xogos de campo utilizando GPS, constrúen diminutas embarcacións con elementos da natureza cercana coas que despois compiten nunha carrera río abaixo.

Hoxe tocou visitar ao Museo do Bosque, situado no concello de Vinuesa (Soria), a poucos kms dos Picos de Urbión e da Lagoa Negra, un lago glaciar. A visita consistiu nunha viaxe virtual guiada polo paisaxe dos Picos de Urbión, a súa fauna e a súa natureza. Debida as baixas temperaturas destes días, non puideron achegarse á Lagoa Negra xa que a ruta está cuberta polo xeo.

26.11.13

Obradoiro de xabón con Gaia - Proxecto Interdisciplinar de 2º ESO

Actividades do Proxecto interdisciplinar BurelaXogaRecíclase:

Esta semana, Mª José e Begoña ensinan ao alumnado de 2º de ESO a facer xabón empregando a aceite usado co propósito de motivar aos rapaces na importancia da reutilización dos recursos. 

Obradoiro de xabón "lagarto"


Obradoiro de xabón cosmético de glicerina


25.11.13

1º ESO - Itinerario xeográfico, histórico e artístico por Burela

O día 25 de novembro o alumnado de 1º de E.S.O. participou nunha das actividades programadas polos Departamentos de Ciencias Sociais e Relixión Católica: Itinerario Xeográfico, Histórico e Artístico por Burela.

Saíndo do Instituto, os alumnos fixeron un percorrido en autobús que os levou ata o Cantiño, seguindo despois pola Avda. Arcadio Pardiñas, Rúa Eijo Garay, Porto e Paseo Marítimo, rematando a ruta na Igrexa de Vila do Medio.

Ao longo da viaxe escoitaron as explicacións dos profesores acompañantes que informaron sobre os edificios públicos (Concello, Centro de Saúde, Confraría de Pescadores, Capitanía Marítima...), a economía (pesca, servizos), e a xeografía do concello (porto, cabo, faro, praias...).

Na Igrexa de Vila do Medio tiveron ocasión de apreciar as pinturas góticas e outros aspectos de interese histórico.

25 de novembro - Día contra a violencia de xénero - Recomendacións de BiblioPerdouro

Recomendámosche unha recompilación de libros e filmes para conmemorar o 25 de novembro e sensibilizarnos tod@s contra a violencia de xénero.

Charla sobre reciclado do aceite - GAIA

Actividades do Proxecto interdisciplinar BurelaXogaRecíclase:

Hoxe, as monitoras de Gaia impartiron unha charla ao alumnado de 2º de ESO sobre a importancia de separar o aceite  de cociña nos colectores previstos para tal efecto e explicáronnos como reutilizar o aceite para facer xabón como aquel que facían as nosas avoas para branquear a roupa.

21.11.13

"Como Galegos" da TVG rodando no IES Perdouro

Ayub Sabry, alumno marroquino do Ciclo Medio de Mecanizado,  será o protagonista do programa da TVG "Como Galegos" que retrata a integración da xente de fóra en terras galegas. 

Hoxe o equipo do gravación liderado por Noelia visitou o centro educativo onde estuda Ayub asi como os estudios do Programa radiofónico de Proxecto Neo.

Esperamos impacientes poder ver o resultado canto antes!!!

20.11.13

1ª xuntanza do clube de lectura

Este curso o clube de lectura adicarase á literatura contemporánea dos cinco continentes. 

Este mércores 20 de novembro, os clubeiros reuníronse pola tarde na biblioteca para intercambiar as súas impresións despois da lectura da obra francófona de Amélie Nothomb, Metafísica dos tubos.

18.11.13

Gaia - Semana Europea da Prevención de Residuos

Do 16 ao 24 de Novembro celébrase a Semana Europea da Prevención de Residuos. O seu obxetivo é difundir o concepto de prevención de residuos e evidenciar o seu impacto no medio ambiente e na loita polo cambio climático.
Hoxe as monitoras de Gaia impartiron unhas charlas ao alumnado de 3º e 4º da ESO sobre a xestión dos residuos, intentando deste xeito aportar o noso graniño de area nesta tarefa na que todos debemos implicarnos.

14.11.13

Campaña escolar "Separemos ben, reciclemos mellor"

A campaña educativa "Separemos ben, reciclaremos mellor", promovida pola Consellería de Medio Ambiente e Sogama, contando coa implicación de Ecoembes e os Sistemas Integrados de Xestión de Pilas, ten como obxetivo o de  informar acerca das ventaxas, tanto ambientais como económicas, da colaboración ciudadana no ámbito da recollida selectiva, garantizando con esto o posterior reciclado dos refugallos producidos. 
Así pois, o xoves 14 de novembro coincidindo coa semana internacional da Reciclaxe,  todo o alumnado de ESO e PCPI asistiu ás charlas informativas impartidas por educadores ambientais que lle explicaron en que consiste unha xestión sostible do lixo, proporcionándolle ao alumnado as boas prácticas coas que facer efectiva a súa participación: desde o consumo responsable e a prevención de residuos, ata a reutilización e adecuada segregación dos mesmos. Explicaron a necesidade de contar coa participación de todos a través da práctica das Tres erres "3R": Reducir as cantidades de lixo producidas, Reutilizar os produtos o maior número de veces posible ata esgotar a súa vida útil, e Reciclar separando as distintas fraccións que conforman o lixo. Ao remate da actividade entregáronse a cada alumno un folleto informativo de axuda para identificar os distintos residuos así como o colector correspondente.

13.11.13

Mostra de cogomelos 2013

O Departamento de Ciencias Naturais organiza a súa exposición anual de cogomelos da comarca. Logo da recollida dos exemplares polos montes de Penas Agudas, o alumnado de 1º de bacharelato participa na actividade de identificación e etiquetado dos fungos para amosar a diversidade destes seres vivos. 


Como recoñecer os cogomelos?
De axuda pode servir este vídeo, para empezar.
Aquí tedes unha información recompilada sobre os cogomelos de interese sacada da páxina Bioecología.

Recomendacións sobre Cogomelos de Galicia.
Guías virtuais de setas:
Guías en PDF:
Cociñar:

Saída micolóxica 2013

Un grupo de alumnos de 4º ESO e 1º de Bach. achegouse ata Penas Agudas para recoller cogomelos co propósito de realizar unha exposición dos espécimes locais máis representativos no centro ao longo desta semana.

Na colleta atopáronse boletus, lepiotas, níscalos, amanitas rebescens, entre outras especies.

12.11.13

Videoconferencia de Jorge Mira - Día da Ciencia en Galego

Hoxe o alumnado de 4º ESO, 1º e 2º de Bach asistiron á videoconferencia de Jorge Mira co galo do IV Día da Ciencia en Galego, actividade promovida pola Coordinadora Galega de ENDL.
Neste conferencia de media hora, Jorge Mira explícoulles a casi máis de 6000 alumnos/as de 88 centros de esino secundario de toda Galicia como, na Grecia Clásica, Eratóstenes fixo para medir o tamaño da Lúa, do Sol, da Terra, así como calcular as distancias que nos separan daqueles astros usando tan só o bo hábito de observar con coidado o que nos rodea.

Escoitade a entrevista que lle fixeron a Jorge Mira esta mañá en Radio Burela no 107.7 despois do minuto 34'. http://www.ustream.tv/recorded/40702039



8.11.13

Sonia Parra e José Ramón Leiva, reporteiros para Radio Burela

Non vos perdades.... Radio Burela facendo eco das actividades desenvolvidades no IES Perdouro.....

A alumna de 1º de Bach, Sonia Parra, explica á audiencia do programa A mañá da Mariña de Radio Burela as súas impresións tras asistir á charla coloquio co guionista Eligio Rodríguez Montero que tivo lugar na biblioteca do centro o xoves 7 de novembro.

José Ramón Leiva, orientador do Perdouro, indica que os obxetivos da actividade centráronse principalmente na orientación vocacional entorno o campo da comunicación audiovisual contando coa testemuña en primeira persoa do exitoso guionista Eligio Rodríguez Montero.

Escoitade a entrevista en Radio Burela na seguinte ligazón a partir do minuto 20'  http://www.ustream.tv/recorded/40578256?utm_campaign=t.co&utm_source=ustre-m&utm_medium=social

Reportaxe gráfica da charla con Eligio Rodríguez Montero o xoves 7 de novembro cos alumnos de 1º de Bach e de 4º ESO.

Porque me sae do galego, Gamy


PORQUE ME SAE DO GALEGO, de GAMY. Un videoclip para o Clube da Lingua, IES Marco do Camballón,
Vila de Cruces. Realización Natasha Lelenco

Agradecemento de Ovidio Fernández en FaceBook

7.11.13

Eligio Rodríguez Montero na prensa

Prensa escrita : entrevista de Lupe publicada na Mariña do Progreso, 07/11/2013




Prensa radio: entrevista de Matías Nicieza realizada en Radio Burela, 08/11/2013 - despois do minuto 34 (http://www.ustream.tv/recorded/40550084).

Centenario do nacememento de Albert Camus

O 7 de novembro de 1913 nacía en Arxelia o novelista, ensaista, dramaturgo, filósofo e periodista francés Albert Camus.
Na súa variada obra desenvolveu un humanismo fundado na conciencia do absurdo da condición humana. En 1957 recibiu o Premio Nobel de Literatura.
Entre as súas obras principais destaca "L´étranger" , novela na que se describen as vicisitudes dun individuo incapaz de amosar sentimentos ou de  crear unha moral acorde entre a razón-sensación-emoción e que reacciona sin razón nen motivo aparente.
Nunca deixou de loitar contra todas as ideoloxías que arredran ao home da condición humana.

Para saber máis:

6.11.13

Guionista de televisión imparte conferencia para o alumnado de 1º Bach e 4º ESO

Eligio Rodríguez Montero foi guionista, entre outros, de Mareas Vivas, O Show dos Tonechos e Hispania, la leyenda.

O vindeiro día 7 de novembro (xoves) ás 11:30 da mañá dará unha charla no IES Perdouro, Eligio Rodríguez Montero. Este guionista de TV traballou para numerosas series de televisión da galega, asi como en series doutras cadeas, como: Mareas vivas, Pratos combinados, O show dos Tonechos, As leis de Celavella, A vida por diante, Desaparecida, Guante Blanco, UCO, Gondar, Hispania la leyenda, Gran Reserva, Gran Hotel e Padre Casares, entre outras.

A serie que máis prestixio lle deu foi Gran Hotel. Actualmente, ten unha oferta de traballo en Madrid para coordinar unha nova serie dun coñecido canal de televisión estatal.

Recentemente presentou a novela La vieja viña a partir da serie de televisión Gran Reserva. A novela editouna o Grupo Planeta. La vieja viña é un relato trepidante no que se mesturan elementos clásicos do xénero policíaco cos propios dunha historia de amor imposible, no contexto do suxerente universo do viño, todo ambientado na Rioja.

4.11.13

IV Día da Ciencia en Galego - o dereito a gozar da ciencia en galego

Dia da ciencia en galegoCon motivo da celebración do IV Día da Ciencia en Galego o vindeiro martes 12 de novembro, a Coordinadora Galega de ENDL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo.

Temos a sorte de poder participar na videoconferencia que impartirá Jorge Mira o vindeiro martes 12 de novembro a partir das 12h30 na biblioteca.

Título: Como medir tamaños e distancias da Terra, a Lúa e o Sol.

Relator: Jorge Mira PérezDoutor en Física e Catedrático da Área de Electromagnetismo do Departamento de Física Aplicada da Universidade de Santiago de Compostela. A súa actividade investigadora está centrada no estudo do magnetismo en sólidos e a nanotecnoloxía, e tamén no estudo de sistemas de falantes con idiomas en competición. Publicou numerosos traballos especializados en publicacións de prestixio e desenvolve un importante labor divulgador en libros, nos medios de comunicación ou do programa "ConCiencia" (USC), do que é responsable.
Páxina web: 
http://www.usc.es/fagms/Mira/jorge.htm
 
Sinopse: Poucas etapas da historia amosaron un talento tan brillante como a da Grecia clásica. Contaremos como fixeron eses gregos para sabe-lo tamaño do mundo que habitamos e calcula-la distancia á lúa e o sol e os seus tamaños, usando tan só o bo hábito de observar con coidado o que nos rodea.

31.10.13

Inés e Silvia, reporteiras para Radio Burela

Non vos perdades.... Radio Burela facendo eco das actividades desenvolvidades no IES Perdouro.....

As alumnas de 4º de ESO, Inés e Silvia, narran as súas impresións en Radio Burela despois de visionar a longametraxe Shoots from Abissinia de Ovidio Fernández protagonizada por Abdul, o seu fillo etiope adoptado, que fai unha viaxe as súas orixes.
Miruca Parga, coordinadora do ENDL, da a coñecer á audiencia de Radio Burela unha das actividades programadas polo seu departamento e comparte o valor didáctico tanto técnico, social, cultural como lingüístico deste filme documental. 


Informo que estará disponible o DVD en breve na biblioteca do centro.

Escoitade a entrevista en Radio Burela na seguinte ligazón a partir do minuto 18'     http://www.ustream.tv/recorded/40347603

Crónica de Aitor López Anello do documental "Shoots from Abyssinia"

Algunhas veces teño pensado: Se estamos entre os países máis desenvolvidos, cales son as nosas responsabilidades con respecto ao resto do mundo? Cal é o futuro que espera a África? Hai esperanza para África, a pesar dos intereses económicos dos usureiros?

Moitas das respostas a estas preguntas atopeinas este luns pola mañá na biblioteca do Perdouro. Parece incrible, mais é certo: asistín á proxección dun dos mellores e máis humanos documentais que vin na miña vida e despois puiden participar nunha charla-coloquio que me resultou moi instructiva e gratificante.

Moitas veces cando un pensa en África ten a idea da fame, a pobreza extrema, a corrupción… Mais África non é só iso. Esa é unha das mensaxes do Documental “Shoots from Abyssinia”, que nos mostrou que aquel continente ten esperanza, que en África hai xente que vale e que a mellor das actuacións responsables de occidente é deixalos en paz. Porque, cada vez que se nos ocorre unha brillante idea “para o seu propio ben”, acabamos desfacéndolles medio país.

O documental está feito por Ovidio Fernández, un galego de Navia de Suarna. Este cámara de TVE en Galicia un bo día decidiu adoptar un rapaz etíope. Cando foi alá para ver o rapaz por primeira vez, quedou prendado do país e da xente. Catro anos despois, pensaron en retornar a Etiopía para que o rapaz coñecese a súa cultura. O pai adoptivo púxose á frente da expedición e levou un dos seus bens mais prezado, a cámara de vídeo.

“Shoots from Abyssinia” conta como Abdul retorna ao seu país, como se reencontra coa súa xente e como coñece todo o norte de Etiopía. A viaxe comeza na capital, Addis Abeba, onde Abdul se reencontra cos amigos da infancia nun centro para nenas e nenos orfos. Despois, seguindo a folla de ruta do explorador portugués Pedro Páez continúa a viaxar polo norte do país e a coñecer a historias do mesmo.

O documentario mostra un Estado que en oito anos pasou de estar na pobreza extrema a ter un futuro francamente esperanzador. Etiopía pode parecernos un estado pobre, sen recursos, un estado de fame, mais é unha nación que comeza a levantarse, un país en que os nenos e nenas comezan a ir en masa á escola. Iso chamoume moito a atención, porque eu penso que a base dun país non está nin na economía nin na sanidade, senón na educación. Polo que se ve no vídeo, Etiopía e un país onde comeza a nacer unha clase media acomodada, un país onde comezan a existir boas redes de comunicacións (estradas, liñas de teléfono…). Tamén é certo que o documento nos mostra a outra prespectiva: a do país subdesenvolvido, con moita pobreza, sobre todo no campo.

De todo o que escoitei nesta magnífica conferencia, quédome cunha frase clave: “o único que Etiopía (e África en xeral) piden ao mundo desenvolvido é que este deixe de meter a gadoupa ”. Tárdame que se edite a segunda parte, que nos anunciou o director. Mentres tanto, moitas grazas Ovidio!

Aitor López Anello. 1º Bach A. Opinión publicada na prensa dixital  Crónica3 o 31/10/2013.

Concurso de cabazas - Samaín 2013

Celebramos o ano novo celta co concurso de cabazas.


30.10.13

Macarena Ledo, reporteira para Radio Burela - Samaín 2013

Non vos perdades.... Radio Burela facendo eco das actividades desenvolvidades no IES Perdouro.....

A alumna, Macarena Ledo, de 4º de ESO é entrevista en Radio Burela pola súa actuación e colaboración con BiblioPerdouro na xornada de  celebración do Samaín - Lectura terrorífica no recreo - , e ademais fai en directo un avance do fragmento dun relato de Edgar A. Poe, texto seleccionado e preparado coa axuda da súa profesora de Música, Dolores Otero. 

Atentos a partir do minuto 28':http://t.co/1sqszDBfmH (fixádevos que ben o fai!)

29.10.13

Proxección do filme documental "Shoots from Abyssinia" de Ovidio Fernández

Hoxe, 29 de outubro, Ovidio Fernández Sánchez visitou a biblioteca do IES Perdouro de Burela para presentarnos o seu filme documental "Shoots from Abyssinia". O título fainos reflexionar sobre a súa posible tradución: disparando desde Abisinia mais non con balas sinon coa cámara ao lombo. Etiopía, a antiga Abisinia narrase nesta viaxe ó interior do corno de África.


Ovidio Fernández traballou como cámara de TVE en Galicia e decidiu realizar esta gravación polo norte de Etiopía para mostrar unha viaxe na que un dos seus fillos adoptados vai en busca das súas orixes. Coa voz de Abdul vainos presentando unha Etiopía liberada dos tópicos, Guíamos polas súas cidades, aldeas, templos, etnias, paraxes.... ata chegar á fontes do Nilo Azul onde ten lugar un simbólico bautismo do protagonista.

Os alumnos de 4º ESO e 1º de Bacharelato asistiron á proxección e realizaron algunhas preguntas sobre a seu contido.

Trátase dun documental de 100 minutos que resultou interesantísimo e que nos achegou á verdadeira situación de Etiopía na actualidade.

Para información sobre Ovidio e a súa longametraxe: 

28.10.13

Samaín - recomendacións de lectura para pasar medo

Se queres pasar medo, terror e espanto, pásate pola biblioteca e lévate un dos libros da nosa selección. Bótalle un ollo!!

Samaín - facendo ambiente

O alumnado de 1º de ESO estivo encargado de ambientar o centro co propósito de celebrar Samaín, o aninovo celta. A súa tarefa consistía en reciclar e reutilizar os resíduos para idear un conxunto de decoracións. Botes de iogures, de leite, latas, tubos de papel convertéronse en morcegos, arañas, caveiras, esqueleto, cabazas, pantasmas e lámpadas.

Mirade que creativos foron!!!!

22.10.13

Barco "Muralla de Lugo" no Perdouro

Co motivo do 20 aniversario da Asociación cultural Os Matos, estivo atracado no Perdouro o barco "Muralla de Lugo" da Deputación co próposito de achegar o alumnado do centro ao mundo natural e de sensibilizalo e concienciarlo do patrimonio cultural, natural e etnográfico da provincia.
O obxectivo desta aula móbil medioambiental é dar a coñecer a provincia de Lugo, as súas reservas da biosfera, os produtos autóctonos e as feiras e festas da provincia, ademais de contribuir a promocionar a muralla de Lugo, no décimo aniversario da súa declaración como Patrimonio da Humanidade.

O barco pesa 3.500 quilos e conta cunha dimensión exterior total de 12 metros de longo e 5 de alto e foi construído por unha empresa de Burela e pintada en Viveiro, sendo as súas cores o vermello, o azul mariño e o verde. No seu interior conta con todo tipo de información medioambiental, así como mobiliario e material náutico cedido polas confrarías da Marila e Viveiro. Ten unha parte expositiva con capacidade para 40 paneis de fotografías, na que se atopa unha sección de imaxes que aportou a asociación 'Terra de Viveiro', e entre as que destaca a fotografia máis antiga que se conserva do porto viveirense.

Os perigos de internet en cómic do Valedor do Pobo

O Valedor do Pobo e a Consellería de Traballo e Benestar acaban de publicar  Os perigos de Internet, un cómic de El Patito Editorial.
Lembra conectarte sempre de forma segura:
  • Coa lectura do tebeo aprendemos que non debemos facilitar os nosos datos persoais a calquera persoa que no lo pida.
  • Non deberemos enviar fotografías (nen nosas nen dos nosos compañeiros) a terceiros.
  • Debemos informar aos nosos pais de con quen e de como nos conectamos.
  • Sería moi bo facer aos pais partícipantes dos nosos lugares nas redes sociais para que poidan protexernos de calquera que nos queira facer mal ou enganarnos.

Podes descargar o PDF aquí.

21.10.13

Xestión sostible da auga - GAIA

Mª José e Begoña, monitoras de GAIA (a aula mediombioental do Concello) deron comezo a un ciclo de charlas sobre educación medioambiental no Perdouro destinadas ao alumnado de 3º e 4º de ESO.

Esta semana, trataron a temática da auga e da súa xestión sostible co obxectivo de informar sobre a cantidade de auga apta para o uso humano no noso planeta, reflexionar sobre os usos que facemos da auga e informar sobre as diferentes medidas de aforro da auga.
Puntos tratados:
- Distribución da auga na terra.
- Consumo de auga ( procesos industriais,actividade mineira,agricultura e ganadería,actividades recreativas,extinción de incendios,etc.
- Consumo por sectores.
- Distribución do consumo de auga nos fogares.
- Ciclo da auga ( captación,Etap,Rede de saneamento,Edar,Emisario).
- Problemas da falta de auga.
- Instalación de perlizadores e reductores de caudal.

15.10.13

Momentos de lectura, participa! #estoulendo ...

Concurso nas redes sociais: Indícanos cal é o teu momento, lugar ou postura de lectura favorito participando co hashtag #estoulendo ... boca arriba, as escuras, no sofá, debaixo da miña mantiña, cunha taza de chocolate..... Deixádevos levar!!!  Prazo: 25 de outubro . 
Premio para quen consigua máis rechíos.

Concurso de fotografía: Ademais podes participar enviando a ies.perdouro.biblioteca@gmail.com unha foto túa no teu momento de lectura favorito. Prazo: 20 de outubro
Premio a mellor foto orixinal.

Esperásmote!!


Rosalía ... para escoitarmos

No 150 aniversario da publicación de Cantares Gallegos de Rosalía de Castro, desde a Coordinadora de traballadores e traballadoras da normalización da lingua chéganos esta selección de recursos en audio arredor da figura e da obra da autora:

"Rosalía para todos os gustos! Rosalía en todos os estilos! Pop, hip hop, muiñeira, rock, jazz, música antiga, tradicional, blues, fusión... Rosalía para tod@s!

14.10.13

Hora de Ler - 2013

Dimos comezo a Hora de Ler  na ESO.

Xut, silencio, están lendo!

Concerto didáctico de percusión por Israel Arranz

Dolores Otero, profesora de música, coordinou un concerto didáctico de percusión coa colaboración de  Israel Arranz.

O luns 14 de Outubro os alumnos de 3º e 4ºde ESO puideron disfrutar da música de Israel Arranz no instituto!!!!!!
Ao longo de case dúas horas ofreceunos un concerto de percusión de grande dificultade técnica, no que ademáis de escoitar a música en directo puidemos visualizar as partituras e aprender un montón de cousas coas súas explicacións.
Músico de jazz entre outras cousas e multiinstrumentista especializado en vibráfono ofreceunos unha última peza chamada “ Silvia”, obra de composición propia para cuarteto de jazz e arranxada por el mesmo para vibráfono, TODO UN ESPECTÁCULO!!!!!!!

Foi un auténtico privilexio contar cá presencia de Israel
Esperamos que volva por aquí!!!!!!



Certificación 1º Premio "Doce meses, moitas paisaxes"


9.10.13

Alumnos de 4º ESO no acto de clausura da exposición sobre Roberto Vidal Bolaños

Hoxe, mércores 9 de outubro, o alumnado de 4º de ESO acompañados por Santiago Pérez Docobo, director do IES Perdouro, Miruca Parga, coordinadora do ENDL e polo seu profesor de lingua galega, Bernardo Penabade, estivo presente no acto de clausura da exposición sobre Roberto Vidal Bolaños na Sala de Exposicións da Casa da Cultura, xunto ao secretario xeral de Política Lingüística, Valentín García; o alcalde, José González Barcia; o presidente de honra da Asociación Roberto Vidal Bolaño, Manuel Quintáns Suárez, o xefe territorial de Cultura e Educación, José Jesús Ramos Ledo e Xosé Luís Ansemil Moreira, Coordinador territorial EDLG da provincia de Lugo.

8.10.13

4º ESO no acto de clausura da mostra Roberto Vidal Bolaño en Burela

Biblioteca Nodal de LugoA exposición Roberto Vidal Bolaño, coa que a Xunta de Galicia conmemora a  figura homenaxeada polas Letras Galegas 2013, fai parada en Burela do 23 de setembro ao 10 de outubro, no marco da itinerancia que está a ter durante este ano por un total de 14 localidades nas que se radican concellos pertencentes á Rede de Dinamización Lingüística da Xunta de Galicia e bibliotecas nodais da Consellería de Cultura, Educación e Ordenación Universitaria.  A mostra está conformada por 10 paneis con imaxes e textos sobre os espectáculos, personaxes e obras do dramaturgo.

O alumnado de 4º de ESO asistirá ao acto de clausura da mostra que terá lugar o mércores 9 de outubro ás 12:30 na Sala de Exposicións da Casa da Cultura. Neste acto participarán o secretario xeral de Política Lingüística, Valentín García; o alcalde, José González Barcia; o presidente de honra da Asociación Roberto Vidal Bolaño, Manuel Quintáns Suárez, e máis o xefe territorial de Cultura e Educación, José Jesús Ramos Ledo. Ademais Manuel Quintáns Suárez (especialista en teatro) dará unha pequena charla aos asistentes arredor da vida e da obra de Vidal Bolaño.

19.9.13

Charla sobre mobilidade "Móvete por un aire máis limpo"

En qué consiste a Semana Europea da Mobilidade (SEM)?

É unha iniciativa que persegue impulsar ás autoridades locais no desenvolvemento de accións planificadas, probando novas medidas de transporte cos seus cidadáns.

A SEM da á xente a oportunidade de pensar acerca de para qué son realmente as nosas rúas e para debater solucións concretas de cara a afrontar os retos urbáns, tales como a contaminación do aire e o ruido.

Dentro das actividades organizadas polo Concello de Burela para celebrar a Semana Europea pola Mobilidade, impartiuse unhas charlas sobre mobilidade sostible co próposito de reflexionar sobre o uso abusivo que, en moitas ocasións facemos, dos desprazamentos en vehículos a motor.

Asi pois, o día 19 de setembro, Mª José Castro González, técnico de Medio Ambiente, sensibilizou ao alumnado de 1º e 4º de ESO co fin de coñecer o impacto ambiental do uso indiscrimado do coche, comparar o impacto ambiental dos distintos medios de transporte, concienciar da necesidade de utilizar o transporte público e promover o desprazamento a pé en traxectos curtos.


30.7.13

Acollida grupo de mozos e mozas alemáns da BBZ - verán 2013

Mozos alemáns realizarán prácticas no Concello de Burela no marco dun programa europeo de mobilidade do IES Perdouro de Burela

Por cuarto ano consecutivo, o IES Perdouro de Burela colabora nun proxecto pioneiro europeo de formación coa BBZ – o centro de formación e inserción laboral da localidade alemana de Augsburgo - na acollida de rapaces e rapazas en centros de traballo da localidade.

O IES Perdouro de Burela leva catro anos coordinando a acollida de grupos de rapaces e rapazas alemáns que veñen formarse durante un periodo de catro semanas en empresas da localidade. Neste ano académico, é o terceiro grupo que recepciona o IES Perdouro en Burela. Tratase dun grupo de sete mozos e mozas cuxas inquedanzas xiran en torno ás actividades de conservación medioambiental. Os participantes deste proxecto europeo de mobilidade por intercambio IdA Explorer! realizarán as súas prácticas nos sectores de xardinería e limpeza de praia e monte en colaboración co Concello de Burela ata finais do mes de agosto. Así pois, o pasado luns, día 29 de xullo, Manuel Fernández Valle, tenente de Alcalde, recibiu o grupo xermano nunha pequena recepción de benvida no salón de plenos. Xunto aos encargados de Xardinería e Limpeza do Concello, o edil lles explicou cales ían ser as tarefas a desenvolver asi como as medidas de seguranza. Os futuros aprendices mostráronse con moita ilusión de aprender e abrir horizontes profesionais.


Karina Parga, Vicedirectora do IES Perdouro e encargada do Proxectos Europeos, explica que este proxecto piloto alemán, IdA EXPLORER!, respaldado polo Ministerio de Traballo e Asuntos Sociais de Alemaña e financiado polo Fondo Social Europeo, trata de incrementar as oportunidades de estudos da xuventude, e fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. A Vicedirectora sinala que nestes catro anos que leva traballando coa BBZ un total de 70 alemáns realizaron as súas prácticas na localidade de Burela.

22.6.13

1º ESO - Educación viaria e visita ao centro deportivo de Foz

Nos últimos días de curso, o alumnado de 1º de ESO desprazouse ata Foz para recibir formación en Educación Viaria da man do cabo da Policía Municipal de Foz, Jesus Amor Prieto. Durante a charla, o axente explicoulles as normas de circulación e como comportarse frente a accidentes. Despois da teoría, o alumnado puido poñer en práctica o aprendido no circuito subido aos carts, ás bicicletas e mesmos ás motocicletas. 


Na segunda parte da mañá, o alumnado foi recibido no Complexo deportivo de Foz para efectuar un itinerario polas súas instalacións deportivas. A rapazada visitou a sala de máquinas da piscina, fixo exercicios cardiovascular, de musculación e aeróbic sempre baixo a supervisión e asesoramento dos técnicos, para rematar cun chapuzón na piscina. 


Related Posts Plugin for WordPress, Blogger...