Encontro con Lucía Ferro, autora de "En Brandán"

Lucía Ferro estará na biblioteca do IES Perdouro, mañá venres, día 3 de novembro para falar de "En Brandán", a súa segunda novela.

O alumnado do club de lectura terá a oportunidade de intercambiar coa escritora palabras sobre o proceso de creación literaria así como aspectos desta novela policiaca.

 

Lucía Fernández Rodríguez, veciña de Barreiros, tamén escribe en galego e en inglés intervencións curtas publicadas na rede.  

Entrevista no xornal El Progreso 10/09/2023

Club de Lectura de adultos

Convocamos a 1ª xuntanza do club de lectura de adultos á que convidamos ás familias a compartir bos momentos entorno aos libros.

Para esta primeira xuntanza podedes vir con algunhas propostas. Acordaremos a lectura para a 2ª xuntanza para finais de xuño.

Non faltedes á cita. Vémonos na biblioteca.

Martes 30/05/2023 ás 18h.

 

Reunión do club de Lectura

Reunión do clube de Lectura de 3º ESO. Juani moderando.

1ª xuntanza do clube de lectura

Este curso o clube de lectura adicarase á literatura contemporánea dos cinco continentes. 

Este mércores 20 de novembro, os clubeiros reuníronse pola tarde na biblioteca para intercambiar as súas impresións despois da lectura da obra francófona de Amélie Nothomb, Metafísica dos tubos.

Clube de lectura con Marcos Calveiro

Os alumnos do clube de lectura do IES Perdouro viaxaron este mércores día 20 de marzo ata Viveiro para xuntarse cos seus compañeiros do Liber Amoenus  do IES Vilar Ponte co propósito de entrevistarse co autor do libro O pintor do sombreiro de malvas, Marcos Calveiro. Logo da exposición do escritor, os clubeiros intercambiaron opinións sobre a lectura da obra e remataron o encontro cunha comida de confraternidade entre ambos clubes.