AQUÍ tedes as imaxes do último día de curso, cando vós vos despedistes do instituto ata o curso que vén.
O novo curso comezará o 11 de setembro. Prestade atención á páxina web a principios de setembro para saber cando tedes a vosa presentación.
Desfrutade das vacacións!
.jpeg)
Un gran traballo! Moitos parabéns!
O alumnado de 1º de Bacharelato anímanos á práctica do deporte na contorna.
Neste caso, Lola e Ramón infórmannos das posibilidades que temos en Burela. Aproveitando as instalacións e arredores da vila podemos practicar unha gran variedade de actividades deportivas.
Anímate! Xa non tes escusa!
Andrea e Rocío, responsables da Asociación Española contra o cáncer de Burela, viñeron ao IES Perdouro para informar sobre hábitos alimentarios saudables. O seu obxectivo é que a rapazada deixe de comer bolos industriais e de tomar bebidas a base de ingredientes artificiais con aparencia de zumes naturais.
Ensinaron ao alumnado de 1º ESO a elaborar batidos con froitos vermellos (amorodos, arandos, framboesas), iogur natural sen azucre e un pouco de leite.
Os petiscos estaban elaborados con pan integral, queixo ou manteiga de cacahuete, sementes de liño dourado, froitos secos (améndoas, abelás, noces...) e froita fresca (amorodos e arandos).
Practicamente acabáronse as existencias de comida e bebida e todo o alumnado tanto da ESO como de Bacharelato que pasou polo patio e presenciou o obradoiro estaba interesado en probar os batidos e os petiscos. Haberá que repetir a experiencia!
Podes acceder a máis fotos AQUÍ.
Varios foron os compañeiros e compañeiras que mostraron as súas habilidades en Kung-fu, taekwondo, karate, tai chi... Tanto alumnado como profesorado explicou de xeito práctico algunhas das características básicas destas artes marciais.
Moitas grazas ao Dojo Bushido de Burela e a Ibrahima, Simón, Noa Gudín, Noa Martínez, Javier César, Arturo Fernández, Diana e Mónica Alonso polas súas ensinanzas!
Podedes acceder ás imaxes e vídeos AQUÍ.
Nesta ocasión viñeron o luns 19 de xuño foron recibidos na biblioteca, onde asistiron a un recital en hologramoas e logo percorreron a IIª Feira Tecnocienciarte do IES Perdouro.
Podedes acceder o álbum de imaxes AQUÍ.
Aquí temos o resultado de todas as horas de traballo do alumnado de 2º ESO acompañado do profesorado implicado no programa de Educación Responsable.
A participación neste programa conlevaba que, desde a materia de Música, se creara un coro e se prepararan tres pezas musicais dunhas determinadas características. Patricia Inés Fernández Salas, a profesora de Música, coordinou os ensaios de canto e coreografía e a gravación deste vídeo que aúna todas emocións que cantar e bailar nos fixo sentir.
Perdourando de IES Perdouro baixo licencia Creative Commons Recoñecemento-NonComercial-SenObraDerivada 3.0 Unported License.
