Ao chegar, déronnos unha pequena introdución sobre que era a Enxeñaría e a oferta educativa da Escola de Ferrol e logo pasamos a visitar as instalacións desta Escola. Alí permitíronnos facer un reto que constaba de catro probas: unha de debuxo técnico, unha de física, unha de matemáticas e outra de bioloxía. Despois fixemos unha visita guiada por varios departamentos da Escola: no de construción puidemos observar unha planta automática de fabricación; noutro sobre enerxía eléctrica, creamos un pequeno motor; tamén nos falaron sobre a flotabilidade dos barcos; e, por último, ensináronnos un coche fabricado polo alumnado de enxeñaría co cal ían a competicións por toda España.
Ademais disto tivemos a representación dun alumno do IES Perdouro no programa de Radio Voz que se emitía en directo desde a mesma Escola de Enxeñaría durante esa mañá nunha emisora de radio de Ferrol.
Podedes acceder a máis fotos AQUÍ.
Hugo Sanjurjo Freire - 1º Bacharelato A
Sem comentários:
Enviar um comentário