Reunións do profesorado titor coas familias

 Recordade as reunións do profesorado titor coas familias. Nelas recibiredes documentación e indicacións para este curso académico. 

Presentacións do curso 2026-27

Dámosvos a benvida ao curso 2026-27! 

Esperámosvos nas presentacións, que terán lugar o mércores 9 de setembro na aula de referencia de cada grupo. 

Comprobade cal é o horario que vos corresponde.

Pechamos por vacacións

Estamos no noso período de descanso. 

Nos primeiros días de setembro publicaremos na páxina web e nas nosas redes sociais a información precisa para o comezo de curso: día de presentación, horarios, aulas...

Ata entón, desfrutade do verán e recargade as pilas para comezar con moitas ganas!

Presentacións do inicio de curso 25-26

Benvidos ao curso académico 25-26!

Agardamos que descansásedes moito e que tivésedes un verán extraordinario. Agora toca comezar un novo curso. Estaremos agardándovos para facer as presentacións o luns 8 e o martes 9 de setembro. O profesorado titor acompañaravos á vosa aula de referencia. 

Os cursos que teñan a presentación o luns 8 comezarán as clases o martes 9 e os que teñan a presentación o martes comezarán as clases o mércores 10 de setembro. 

Pechamos por vacacións

Pechamos por vacacións. 

Damos por rematado o curso 24-25. 

Podedes volver a contactar con nós o luns 1 de setembro, data na que se volverán a abrir as portas do IES Perdouro para realizar calquera trámite que necesitedes. 

O curso comezará o 8 de setembro. Estade pendentes a partir do 1 de setembro dos calendarios das presentacións. 

Que desfrutedes das vacacións!

Segunda quenda de reparto de froita e leite nos recreos

Este curso 2024-25 participamos no reparto de froita fresca e leite do Fondo Galego de Garantía Agraria. Este programa está financiado con Fondos Europeos. 

Desde o luns 17 ata o venres 28 de marzo terá lugar o reparto de froita e desde o 31 de marzo ata o 11 de abril, o de leite.

Con esta iniciativa foméntase o consumo de froita fresca e leite e promóvense hábitos de alimentación saudable. 

IMPORTANTE: Hai un colector cunha bolsa negra colocado na entrada do edificio 1 para depositar nel os restos de froita. Non se poden botar envases, porque o seu contido do colector é para utilizar nos composteiros. Dificulta o traballo do alumnado responsable dos composteiros ter que estar apartando os plásticos, que contaminan e non se degradan. 

Suspensión das clases o mércores 29 de xaneiro por fenómeno meteorolóxico adverso

Mañá mércores 29 de xaneiro suspéndense as clases e o transporte escolar na Mariña de Lugo por fenómeno meterorolóxico adverso. 

Este é o enlace ao aviso no portal educativo da Consellería onde se pode acceder á acta da reunión onde se tomou a decisión e aos concellos afectados pola medida. 

Inauguramos a nosa Dixit Aula: Espazo de tecnoloxía aplicada na FP

A nosa Dixit Aula xa está preparada para comezar a funcionar. Trátase dun espazo amplo e moderno, completamente adaptado ás necesidades do noso alumnado coa reforma que se levou a cabo. 

O estudantado dos Ciclos de Mecanizado, Instalacións de Comunicacións, Mecatrónica Industrial e Fabricación Aditiva xa poden beneficiarse de todos os recursos cos que conta a aula: impresora 3D, analizador de vibracións, cámara termográfica, sistema de guías holográficas, programa de simulación virtual, escáner 3D e PCs de altas prestacións. 

O horario da aula está organizado de xeito que se poida extraer o máximo rendemento dos seus recursos para todas as familias profesionais que imparten clase neste espazo de tecnoloxía aplicada.

O rendemento á hora de alcanzar as competencias que se deben desenvolver nestes ciclos será moito máis alto ao contar agora con todos estes recursos a disposición do alumnado. 

Presentacións de inicio do curso 2024-25

Benvidos ao curso académico 24-25!

Agardamos que descansásedes moito e que tivésedes un verán extraordinario. Agora toca comezar un novo curso. Estaremos agardándovos para facer as presentacións o mércores 11 e o xoves 12 de setembro. O profesorado titor acompañaravos á vosa aula de referencia. 

Os cursos que teñan a presentación o mércores 11 comezarán as clases o xoves 12 e os que teñan a presentación o xoves comezarán as clases o venres 13 de setembro. 

Vide con moitas ganas!

Bo verán e ata setembro!

Durante o mes de xullo o instituto estivo en funcionamento para tramitar matrículas, entrgar memorias, preparar o curso que vén... Agora toca descansar. 

Prestade atención á nosa páxina web porque nela publicarase nos primeiros días de setembro o calendario de presentacións. 

Esperámosvos en setembro! Desfrutade moito do verán!

Espazos de Tecnoloxía Aplicada na FP: A nosa Dixit Aula está en marcha

Xa van moi avanzadas as obras da nosa Dixit Aula. Este Espazo de Tecnoloxía Aplicada na Formación Profesional será un lugar ideal para que o alumnado do Ciclo Superior de Mecatrónica Industrial, do Curso de Especialización en Fabricación Aditiva, dos Ciclos Medios de Mecanizado e de Instalacións en Telecomunicacións desenvolva as súas competencias. 

Aínda temos que organizar o sitio axeitado para cada un dos recursos cos que queremos que conte a nosa Dixit Aula. Entre eles esperamos adquirir cámara termográfica, analizador de vibracións, sistema de guías holográficas, escáner 3D, PCs de altas prestacións etc. 

Mostrarémosvos o resultado final cando estea rematada. 

Concedida una contía de 50 000 € para un proxecto de innovación do CE en Fabricación aditiva

A Secretaría Xeral de Educación, Formación Profesional e Deportes resolveu o 3 de xullo a concesión de axudas destinadas á realización de proxectos de innovación e investigación aplicadas e transferencia do coñecemento na Formación Profesional, no marco do Plan de Recuperación, Transformación e Resiliencia, financiado pola Unión Europea, Next Generation EU.

O proxecto foi presentado polo IES Perdouro en colaboración co Instituto Pompeu Fabra de Badalona e con 3DZ ABCISE SL de Biskaia. Esta iniciativa persegue un obxectivo con finalidade social xa que leva por título "Aplicación da fabricación aditiva na fabricación de útiles para a mellora de actividades cotiás de persoas con necesidades especiais".

Moitos parabéns para os nosos compañeiros do Ciclo de Especialización aditiva!

Fomos seleccionados para crear a nosa Dixit Aula

 

Felices Festas Burela

Curso AFD de Mecanizado por arranque de labra

Se es unha persoa desempregada e queres formarte, con este curso ampliarás as túas saídas profesionais podendo dedicarte ás construcións metálicas e a fabricación e reparación para o sector industrial, eólico e naval.

Contacta co centro para reservar a túa praza. 

Comeza distribución de leite nos recreos para a ESO

O luns 17 de abril comezamos coa distribución de leite nos recreos para o alumnado da ESO. Esta entrega durará ata o 14 de xuño. 

Trátase dun programa do Fondo Galego de Garantía Agraria financiado con fondos europeos.

Recomendamos depositar os cartóns de leite baleiros no colector amarelo. 

Se non o vas beber, non o tires, devólveo. Seguro que hai alguén que aproveitará para tomar dobre ración.