Pílula sobre educación emocional: 6

Hoxe imos traballar o hábito de poñer o foco no positivo, nas cousas boas, nos bos momentos que cada día acontecen na nosa vida pero que pasan desapercibidas por ter o foco posto no negativo.

Pensa nun día da túa vida onde todo vai ben (aprobas un exame, ves un episodio da serie que che gusta, comiches a túa comida preferida, etc…) e nun determinado momento tes unha discusión cun amig@. É probable que se che preguntan, ou te preguntas a ti mesm@, “que tal o día? “ dirías “mal, porque hoxe discutín cunha amig@“ e non lembrarías os bos momentos vividos.

Para que iso non ocorra, e poidas empezar poñer o foco no positivo, e xerar emocións positivas que substitúan as negativas propóñoche traballalo de dúas formas:

 

1. Colle un caderno que che guste (converterase no teu “diario emocional”) e ao rematar o día, anota nela (recollendo a data) tres momentos bos do teu día e trata de identificar o que sentiches nese momento.

Por exemplo:

O momento do xantar—> calma, tranquilidade

Unha boa charla cunha amiga—> alegría, empatía

Superar o exame que tiña hoxe—> alegría, orgullo

 

2. Colle un bote de cristal e cada día deposita nel un papel onde apareza a data e tres momentos bos que tivo o teu día.

 

Calquera destas dúas ferramentas axudáranche de dúas formas:

1. A tomar conciencia cada día dos momentos bos e así cambiar o foco do negativo ao positivo

2. Se tes un día malo, podes coller a teu caderno, ou abrir o teu bote de cristal, e ler todo o rexistrado por ti; cando o fagas, verás como o teu estado de ánimo varía.

 

Con estas ferramentas estás traballando a túa conciencia emocional e a capacidade de autoxerarte emocións positivas.