III Semana do Benestar Emocional e a Convivencia

Dende o curso 2023/2024 no IES Perdouro celebramos a Semana de Benestar Emocional e a Convivencia. Esta semana naceu como un espazo temporal para que o alumnado do centro puidese descubrir ferramentas que lles axuden a xestionar emocións e que lles permitan desfrutar de momentos de benestar emocional lonxe dos teléfonos e potenciando as relacions sociais reais. 

Este ano chegamos á terceira edición e queremos que toda a comunidade educativa coñeza a existencia desta Semana da que o centro está moi orgulloso. 

En edicións pasadas puidemos gozar de obradoiros de ioga, baile, malabares, teatro, imaxe persoal, charlas de resiliencia e moitas actividades máis. Esta terceira edición será un pouco máis reducida (16, 17 e 18 de marzo) porque este ano os recursos económicos son inferiores e o tempo tamén se nos fai máis limitado no medio da voráxine do curso, pero iso non significa que vaia ser "peor" ou que o alumnado que asista non poida descubrir e desfrutar como nas edicións anteriores. 

Desexamos que estes días vos proporcionen momentos de convivencia e lembranzas agradables no paso de todos vós polo IES Perdouro.